Ūlttyq kinony qoldau memlekettık ortalyǧynyŋ basşysy Qūrmanbek Jūmaǧali ortalyq qyzmetkerlerıne ne sebeptı syiaqy berılgenın tüsındırdı, dep habarlaidy «Adyrna» tılşısı.
Ol eşqandai zaŋ būzuşylyqtyŋ joq ekenın atap öttı.
«Jyl soŋynda qyzmetkerler alǧaş ret premiia aldy. Syiaqy 2-3 ailyq mölşerınde berıldı. Ras. İä, ortalyqta ısteitın qyzmetkerlerdıŋ barlyǧy derlık premiia aldy. Ärı sol syiaqyǧa ärqaisysy laiyq dep aita alamyn. Būl jerde eşqandai zaŋ būzuşylyq joq. Basşy retınde jauapkerşılık menıŋ moinymda. Men qaita ärıptesterımnıŋ Jaŋa jyl qarsaŋynda osyndai mümkındıkke ie bolǧanyna rizamyn. Sebebı jaqyndaryn jäne özın quantyp, basqa da qajettılıkterıne jūmsai
Būdan bölek basşy ailyq mäselesıne toqtaldy.
«Ūlttyq kinony qoldau ortalyǧynda ortaşa jalaqy şamamen 350 myŋ teŋge. Qazır bızde 10-nan astam vakansiia bar. Kelıp, jūmys ısteimın deitınder bar bolsa, bılımı men täjıribesı, yntasy mol azamattarǧa esıgımız aşyq. Konkurstan ötıp, jūmysqa ornalasuǧa bolady»,—dep tolyqtyrdy ol.
Eske salaiyq, būǧan deiın jurnalist Mihail Kozachkov Ūlttyq kinony qoldau memlekettık ortalyǧynyŋ bas esepşısı 3 kün jūmys ıstep, jaŋa jylǧa orai ekı syiaqy, iaǧni 875 000 teŋge alǧanyn jazǧan edı.
