Ūjymdyq qauıpsızdık şart ūiymynyŋ bas hatşysy ŪQŞŪ-nyŋ 2024 jylǧa arnalǧan basymdyqtaryn aitty, dep habarlaidy «Adyrna» tılşısı.
«İmanǧali Tasmaǧambetov Qazaqstannyŋ 2024 jyly ūiymǧa töraǧalyq etu kezeŋındegı basymdyqtaryna toqtaldy. Aituynşa, ŪQŞŪ Ūjymdyq qauıpsızdık keŋesınıŋ 2023 jylǧy qaraşadaǧy sessiiasynyŋ şeşımderın ıske asyru Qazaqstannyŋ äskeri qūramdas bölıgın jetıldıru boiynşa jaŋa köpqyrly mındetterdı közdeidı»,—delıngen baspasöz habarlamasynda.ŪQŞŪ Bırıkken ştabynyŋ bastyǧy, general-polkovnik Andrei Serdiukov jyl qorytyndysy boiynşa ötken jiynda 2023 jylǧy maŋyzdy baǧyttardyŋ bırı daǧdarysqa qarsy äreket etu jüiesın jetıldıru ekenın mälımdedı. General-polkovniktıŋ sözıne süiensek, ol 2024 jyly da öz jalǧasyn tappaq. Būdan bölek Serdiukov biylǧa arnalǧan basym mındetterdıŋ qatarynda ŪQŞŪ-nyŋ äskeri qūramdas bölıgın damytudy retteitın normativtık qūqyqtyq bazany jetıldıru, ūiym hatşylyǧymen jäne qorǧanys vedomstvolarymen bırlesıp jūmysty jalǧastyru, joǧary sapaly daiyndyqty ūiymdastyru bar ekenın atap öttı. Aita keteiık, būǧan deiın Qazaqstannyŋ ŪQŞŪ-ǧa töraǧalyǧy bastalǧanyn jazǧan edık.