Bügın Äl-Farabi atyndaǧy Qazaq Ūlttyq universitetıne – 90 jyl.
1934 jyldyŋ 15 qaŋtary Qazaqstandaǧy tūŋǧyş köp salaly universitet Äl-Farabi atyndaǧy Qazaq Ūlttyq universitetınıŋ resmi aşylu künı bolyp sanalady.
1934 jyldyŋ 15 qaŋtary künı universitettıŋ alǧaşqy studentterı qabyldanyp, 19 qaŋtar künı Vernyi erler gimnaziiasynyŋ eskı ǧimaratynda biologiia jäne fizika-matematika fakultetterınıŋ 54 studentı oquǧa kırıstı. Osy jyldyŋ 1 qyrküiegınde himiia fakultetı aşyldy.
Universitettıŋ tūŋǧyş rektory bolyp QazSSR halyq aǧartu komitetınıŋ orynbasary qyzmetınde bolǧan F.T.Olikov taǧaiyndaldy. Universitettıŋ ǧylymi jäne oqytu jūmystary respublikadan tysqary jerlerde arnaiy daiyndyqtan ötken 18 oqytuşy qūramymen bastaldy. 1934 jyldyŋ 2 jeltoqsanynda universitetke S.M.Kirov esımı berıldı.
Universitet ömırınıŋ jarqyn betterı, sonyŋ ışınde ǧylym men mädenietınıŋ eŋ üzdık jetıstıkterı 70-80 jyldarǧa säikes keledı. Osy kezeŋde universitettı beldı qoǧam qairatkerı, akademik Ö. Joldasbekov (1970-1986) basqardy. Universitettıŋ keremet studentter qalaşyǧy qūrylysynyŋ bırınşı kezeŋı bastalyp, ǧylym men bılımnıŋ jaŋa dästürlerı tuyndap, damyp, nyǧaia tüstı. Universitet studentterı de ǧylym, öner jäne sport salasyndaǧy ülken jetıstıkterge qol jetkızdı. Ol azamattyŋ bedelı, qairat-qajyry men tabandylyǧynyŋ arqasynda universitetke qalaşyq salu üşın tamaşa territoriia jäne osy keremet jobany jüzege asyru üşın qarjy men qarajat-küş bölındı.
Keiın QazSSR Ministrler Kabinetınıŋ № 629 Qaulysymen 1991 jyly 23 qazanynda Qazaq memlekettık universitetıne ūly filosof, ensiklopedist ǧalym äl-Farabi aty berılıp, 1993 jyldyŋ 9 qaŋtaryndaǧy №1059 QR Prezidentı N.Ä.Nazarbaevtyŋ Qaulysymen äl-Farabi atyndaǧy Qazaq memlekettık ūlttyq universitetı dep atalatyn boldy.
Aita keteiık, universitetke byltyr rebrending jasalǧan bolatyn. Endı oqu ordasy äl-Farabidıŋ ornyna Farabi universitetı atala bastady.
