Qazaqtyŋ qazynasy – dombyra men küi mädenietı turaly syr şertetın «Qazyna» jaŋa telejobasyn Mädeniet jäne aqparat ministrlıgınıŋ tapsyrysy boiynşa «Habar» agenttıgı jaryqqa şyǧardy.
Tūsaukeserge QR Parlamentı Senaty men Mäjılısınıŋ deputattary, şyǧarmaşylyq ziialy qauym ökılderı qatysty.
Mädeniet jäne aqparat ministrı Aida Balaeva qazaq halqy ǧasyrlar boiy tarih pen mädeniettı saqtap, olardy küi arqyly jetkızgenın atap öttı.
«Ūlttyq dombyra künımen qūttyqtaǧan Memleket basşysy Qasym-Jomart Toqaev: «Dombyra ünınen ūlttyq tarihtyŋ bastauy men Ūly dalanyŋ san ǧasyrlyq şejıresı estıledı. Halqymyzdyŋ töl mädenietı men önerın dombyrasyz elestetu mümkın emes. Jürekten şyqqan küi ūlttyq ruhty köteredı" dedı. Şynynda da küi önerı el tarihymen bırge ömır süredı. Bızdıŋ mındetımız – qasiettı önerımızdı nasihattau jäne bolaşaq ūrpaqqa amanat etu", - dep atap öttı Aida Balaeva.
"Qazyna" telejobasy dombyrany nasihattauǧa, esımı muzyka tarihyna altyn ärıppen jazylǧan küişılerdıŋ mūrasyn qazaqstandyqtardyŋ sanasynda jaŋǧyrtuǧa baǧyttalǧan.
Derektı filmde 7 mekteptıŋ tarihy, oqiǧalary men erekşelıkterı turaly baiandaidy.
Aita keteiık, soŋǧy jyldary küi önerın zertteuşı ǧalymdar mektepter sanyn 7-den 12-ge deiın arttyrdy.
Jobaǧa önertanu, muzykatanu, etnografiia jäne tarih ǧylymdarynyŋ mamandary qatysady.
Ūqsas jaŋalyqtar
