Búgin Májiliste “Ashyq NQA” portalyndaǵy ashyq talqylaýlar men aqparatqa qol jetkizý jáne qoǵamdyq qatysý týraly zań jobasy qarastyrylyp, keńinen tanystyryldy. Osyǵan baılanysty Aqparat jáne mádenıet mınıstri Aıda Balaeva óz Facebook paraqshasynda jazba jarııalady.
“Búgin Májiliste aqparatqa qol jetkizý jáne qoǵamdyq qatysýy týraly zań jobasy tanystyryldy.
Zań jobasynyń negizgi maqsaty – «Halyq únine qulaq asatyn memleket» tujyrymdamasyn odan ári iske asyrý jáne barlyq bılik tarmaqtarynyń ashyqtyǵy deńgeıin arttyrý.
«Ashyq NQA» portalynda qoǵamdyq talqylaýlar ótkizý jáne depýtattyq zań jobalary boıynsha retteýshilik áserdi taldaý máselesi tóńireginde qyzý pikirtalas boldy.
Qazirgi kezde qorytyndy jasaýǵa áli erte ekenin aıta ketkim keledi. Zań jobasy boıynsha jumys toby endi ǵana óz jumysyn bastamaq.
Úkimet depýtattyq korpýspen birlesip, talqylaýlardan keıin eki jaqqa da qolaıly sheshim shyǵarady dep paıymdaımyn.
Esterińizge sala keteıin, «Aqparatqa qol jetkizý týraly» Qazaqstan Respýblıkasynyń Zańy 2015 jyldan beri qoldanysta jáne azamattardyń aqparatqa qoljetimdiligin arttyrýǵa, sondaı-aq aqparat ıelenýshiler qyzmetiniń ashyqtyǵy men qoǵam aldyndaǵy eseptiligin qamtamasyz etýge baǵyttalǵan”, - dedi mınıstr.
