Mädeniet jäne aqparat ministrı Aida Balaeva "Qazaqfilm" jäne otandyq kinoindustriia baǧytynda tuyndaǧan mäselelerge qatysty videoündeu jariialady, dep habarlaidy "Adyrna" portaly.
Aida Ǧalymqyzy öz sözınde "Qazaqfilmnıŋ" bolaşaǧy maŋyzdy röl atqaratynyn atai ketıp, minstrlık bırqatar şaralardy qolǧa alǧanyn aitty:
"Qūrmettı dostar, bügın men aty aŋyzǧa ainalǧan Şäken Aimanov atyndaǧy «Qazaqfilm» kinostudiiasynyŋ ainalasynda tuyndaǧan keibır mäselelerdıŋ basyn aşyp, toqtalyp ötkendı jön kördım. Būl eŋ aldymen, qarjylyq, ekonomikalyq, äkımşılık, infraqūrylymdyq sipattaǧy jyldar boiy jinalǧan kürdelı problemalar. Oǧan bırden bır sebep osy uaqytqa deiın kinostudiianyŋ özın özı qamtamasyz etuge, tabys tabuǧa zaŋdyq tūrǧyda mümkındıgınıŋ bolmauy. Özderıŋızge mälım, 2019 jyldan berı elımızdegı kino tüsıru qūzyretı zaŋdy türde Ūlttyq kinony qoldau ortalyǧyna berılgen. Öz kezegınde «Qazaqfilm» osy ortalyq qarjylandyratyn jobalarǧa köppen bırge, jalpy erejege säikes qatysyp keldı. Nätijesınde, baiqau talaptaryna sai bölıngen qarajat kinostudiianyŋ tek şyǧarmaşylyq şyǧyndaryna ǧana jūmsalyp, onyŋ basqa şaruaşylyq mäselelerı nazardan tys qalyp otyrdy. Söz joq, «Qazaqfilmnıŋ» bolaşaǧy - būl bükıl otandyq kinoindustriianyŋ bolaşaǧy. Sondyqtan da osy mäselenı şeşu üşın Mädeniet jäne aqparat ministrlıgı qazırgı taŋda naqty şaralar qabyldauda", - dedı Aida Balaeva.
Bırınşıden, pitchingtardaǧy komissiia jūmysynyŋ tiımdılıgı men aşyqtyǧy, bäsekege qabılettılıgın arttyru közdeledı.
"Eger būryndary jobalar memlekettık tapsyrys arqyly tüsırılgen bolsa, qazır türlı taqyryptaǧy ssenariiler baiqauyn jariialadyq. Eger būryn barlyq jobalardy eksperttık bır top saralaityn bolsa, endı ärbır kino, derektı film, animasiia boiynşa qatysuşylardyŋ ötınışterın jeke sarapşylar toby baǧalaidy. Ekınşı qadam, kino turaly zaŋǧa tüzetuler engızu. Atap aitqanda, «Qazaqfilmge» filmder tüsıru, festivaldar ūiymdastyru, dubliaj jasau qūqyǧyn jäne basqa da jaŋa mümkındıkterdı zaŋdy türde bekıtu kerek", - dedı Aida Balaeva.
Üşınşıden, infraqūrylym mäselelerın şeşudı erteŋge qaldyrmai bügın bastau kerek.
"Qazır ekı tüsırılım pavilonyn jaŋartu boiynşa konkurstyq räsımder jasaldy. Endıgı jerde kinostudiia infraqūrylymy men jabdyqtaryn jöndeuge qarajat salatyn investor tartu. Onyŋ mındetıne nysandy tolyǧymen retke keltırıp, körkeitu syndy keşendı jūmystar kıredı. Al endı qoǧamdyq rezonansty tudyrǧan jer telımıne kelsek, jer telımı memleket menşıgınde. Eşkımge, eşqandai jaǧdaida, eşqandai maqsatta berılmeidı. Sondyqtan būl jönınde jalǧan aqparat taratu, qandai da bır artyq söz aitu orynsyz. Ärine, «Qazaqfilmge» qatysty qoǧamnyŋ janaşyrlyǧy dūrys ärı oryndy. Öitkenı, kino ūlttyq ideologiiamyz ben ruhani kelbetımızdı älemge äigıleudıŋ ainymas qūraly. Sol sebeptı Mädeniet jäne aqparat ministrlıgı üşın «Qazaqfilmnıŋ» elımızde ǧana emes, halyqaralyq kinoindustriiadaǧy daŋqyn qaitaru qasterlı mındet jäne jauapty ıs", - dep tüiındedı ministr.
Aita keteiık, būǧan deiın būqaralyq aqparat qūraldarynda Şäken Aimanov atyndaǧy«Qazaqfilm» kinostudiiasynyŋ aumaǧynda qytailyq kölıkter qaptaǧany aitylyp, dau şyqqan bolatyn. Akter Quandyq Düisenbaev osyǧan narazylyq bıldırıp, mäselenı köterdı.
Posmotret etu publikasiiu v Instagram
Ūqsas jaŋalyqtar
