Mádenıet jáne aqparat mınıstri Aıda Balaeva "Qazaqfılm" jáne otandyq kınoındýstrııa baǵytynda týyndaǵan máselelerge qatysty vıdeoúndeý jarııalady, dep habarlaıdy "Adyrna" portaly.
Aıda Ǵalymqyzy óz sózinde "Qazaqfılmniń" bolashaǵy mańyzdy ról atqaratynyn ataı ketip, mınstrlik birqatar sharalardy qolǵa alǵanyn aıtty:
"Qurmetti dostar, búgin men aty ańyzǵa aınalǵan Sháken Aımanov atyndaǵy «Qazaqfılm» kınostýdııasynyń aınalasynda týyndaǵan keıbir máselelerdiń basyn ashyp, toqtalyp ótkendi jón kórdim. Bul eń aldymen, qarjylyq, ekonomıkalyq, ákimshilik, ınfraqurylymdyq sıpattaǵy jyldar boıy jınalǵan kúrdeli problemalar. Oǵan birden bir sebep osy ýaqytqa deıin kınostýdııanyń ózin ózi qamtamasyz etýge, tabys tabýǵa zańdyq turǵyda múmkindiginiń bolmaýy. Ózderińizge málim, 2019 jyldan beri elimizdegi kıno túsirý quzyreti zańdy túrde Ulttyq kınony qoldaý ortalyǵyna berilgen. Óz kezeginde «Qazaqfılm» osy ortalyq qarjylandyratyn jobalarǵa kóppen birge, jalpy erejege sáıkes qatysyp keldi. Nátıjesinde, baıqaý talaptaryna saı bólingen qarajat kınostýdııanyń tek shyǵarmashylyq shyǵyndaryna ǵana jumsalyp, onyń basqa sharýashylyq máseleleri nazardan tys qalyp otyrdy. Sóz joq, «Qazaqfılmniń» bolashaǵy - bul búkil otandyq kınoındýstrııanyń bolashaǵy. Sondyqtan da osy máseleni sheshý úshin Mádenıet jáne aqparat mınıstrligi qazirgi tańda naqty sharalar qabyldaýda", - dedi Aıda Balaeva.
Birinshiden, pıtchıngtardaǵy komıssııa jumysynyń tıimdiligi men ashyqtyǵy, básekege qabilettiligin arttyrý kózdeledi.
"Eger buryndary jobalar memlekettik tapsyrys arqyly túsirilgen bolsa, qazir túrli taqyryptaǵy senarııler baıqaýyn jarııaladyq. Eger buryn barlyq jobalardy eksperttik bir top saralaıtyn bolsa, endi árbir kıno, derekti fılm, anımaııa boıynsha qatysýshylardyń ótinishterin jeke sarapshylar toby baǵalaıdy. Ekinshi qadam, kıno týraly zańǵa túzetýler engizý. Atap aıtqanda, «Qazaqfılmge» fılmder túsirý, festıvaldar uıymdastyrý, dýblıaj jasaý quqyǵyn jáne basqa da jańa múmkindikterdi zańdy túrde bekitý kerek", - dedi Aıda Balaeva.
Úshinshiden, ınfraqurylym máselelerin sheshýdi erteńge qaldyrmaı búgin bastaý kerek.
"Qazir eki túsirilim pavılonyn jańartý boıynsha konkýrstyq rásimder jasaldy. Endigi jerde kınostýdııa ınfraqurylymy men jabdyqtaryn jóndeýge qarajat salatyn ınvestor tartý. Onyń mindetine nysandy tolyǵymen retke keltirip, kórkeıtý syndy keshendi jumystar kiredi. Al endi qoǵamdyq rezonansty týdyrǵan jer telimine kelsek, jer telimi memleket menshiginde. Eshkimge, eshqandaı jaǵdaıda, eshqandaı maqsatta berilmeıdi. Sondyqtan bul jóninde jalǵan aqparat taratý, qandaı da bir artyq sóz aıtý orynsyz. Árıne, «Qazaqfılmge» qatysty qoǵamnyń janashyrlyǵy durys ári oryndy. Óıtkeni, kıno ulttyq ıdeologııamyz ben rýhanı kelbetimizdi álemge áıgileýdiń aınymas quraly. Sol sebepti Mádenıet jáne aqparat mınıstrligi úshin «Qazaqfılmniń» elimizde ǵana emes, halyqaralyq kınoındýstrııadaǵy dańqyn qaıtarý qasterli mindet jáne jaýapty is", - dep túıindedi mınıstr.
Aıta keteıik, buǵan deıin buqaralyq aqparat quraldarynda Sháken Aımanov atyndaǵy«Qazaqfılm» kınostýdııasynyń aýmaǵynda qytaılyq kólikter qaptaǵany aıtylyp, daý shyqqan bolatyn. Akter Qýandyq Dúısenbaev osyǵan narazylyq bildirip, máseleni kóterdi.
Posmotret etý pýblıkaııý v Instagram
