QR Prezidentınıŋ jarlyǧymen bekıtılgen "Qazaq tılı älıpbiın kirillisadan latyn grafikasyna köşıru turaly" jäne QR Premer-Ministrınıŋ ökımımen "Qazaq tılı älıpbiın latyn grafikasyna 2025 jylǧa deiın kezeŋ-kezeŋımen köşıru jönındegı ıs-şaralar josparyn" jüzege asyru maqsatynda, Semei qalasynyŋ tılderdı oqytu ortalyǧynda "Jaŋa qazaq älıpbiın oqytu kabinetı" aşyldy.
-Ortalyqtyŋ basty mındetı qalamyzdaǧy eresek tūrǧyndary jaŋa älıpige üiretu - dedı Semei qalasynyŋ tılderdı oqytu ortalyǧynnyŋ basşysy Zäureş İsabaeva. -Jaŋadan aşylǧan būl kabinette ūlttyq älıpbidı oqytu, seminar treningter, oqu kurstary, lingvist ǧalymdardyŋ onlain sabaqtary ötedı.
Aşylu saltanatyna qatysqan qala äkımınıŋ orynbasary Aidar Sadyrbaev, latyn älıpbiıne köşu zaman talaby ekenın atap öttı.
-Latyn älıpbiı arqyly älemnıŋ 70%-y aqparat almasady. Öz basym latyn älıpbiıne köşu jeŋıl bolady dep oilaimyn. Būl ötkenımızge qaita oralu, ruhymyzdyŋ jaŋǧyrǧanynyŋ jarqyn beinesı,-dedı qala äkımınıŋ orynbasary.
Alǧaşqy oqytu kurstaryna 45 adam qatysady. Kurs qatysuşylary Semei qalasy äkımşılıgınıŋ qyzmetkerlerı. Qala tūrǧyndary jaŋa älıpbidı oqytu sabaqtaryna qyrküiek aiynyŋ üşınşı dekadasynan bastap qatysa alady.
"Adyrna" ūlttyq portaly
