Memleket basşysy Rim papasynyŋ şaqyruymen Qasiettı Taqqa alǧaşqy resmi saparyn jasady, dep habarlaidy «Adyrna» tılşısı Aqordaǧa sılteme jasap.
Qazaqstan Prezidentı sözınıŋ basynda älemdegı adamzattyŋ igılıgı jolyndaǧy qajymas qairaty men qajyrly küş-jıgerı üşın Katolik şırkeuınıŋ Joǧarǧy Pontifikıne rizaşylyǧyn bıldırdı.
– Sızdıŋ düniejüzı halqyna beibıtşılık tılegen dūǧalaryŋyz myŋdaǧan katoliktıŋ ǧana emes, basqa dınderdı ūstanatyn köptegen otandastarymyzdyŋ jüregınen oryn alyp, sanalaryna senım men ümıt ūialatty. Bügınde örkenietter toǧysynda ornalasqan köpūltty jäne köpkonfessiialy Qazaqstan Ortalyq Aziiadaǧy eŋ ırı katolik qauymynyŋ öz üiıne ainaldy, – dedı Prezident.
Memleket basşysynyŋ aituynşa, barlyq dınderdıŋ ökılderı Ädılettı Qazaqstandy qūruǧa eleulı üles qosuda.
– Bız «bırlıgımız äraluandyqta» qaǧidatyna negızdelgen beibıtşılık pen ūlttyq dialogtyŋ özımızge tän modelın qalyptastyra aldyq. Elımızde türlı dınnıŋ ökılderı özderınıŋ ǧibadathanalarynda qūlşylyq ete alady. Dıni senım bostandyǧy qūqyǧyn qorǧau – menıŋ saiasi baǧdarymnyŋ ajyramas bölıgı, – dedı Qasym-Jomart Toqaev.
Qazaqstan Prezidentı Rim Papasy Fransisktıŋ «Qalaǧa jäne älemge» atty dästürlı Joldauyn eske sala otyryp, onyŋ «Beibıtşılık – eŋ aldymen Qūdaidyŋ syiy. Bıraq būl – bärımızge jüktelgen ülken jauapkerşılık» degen sözderın tolyq qoldaitynyn jetkızdı.
– Sızdıŋ ūstanymyŋyzdy tolyǧymen qūptai otyryp, bız köptegen aiyrmaşylyqtarymyzǧa qaramastan, beibıtşılık ideialaryn, mädenietter men dınder arasyndaǧy tūraqty dialogty, ärtürlı dındı ūstanatyn adamdardyŋ igılıgı jolyndaǧy damudy ılgerıletu üşın barşamyzǧa bırlık kerek ekenıne senımdımın. Izgı niet bıldıruge uaqyt jetkılıktı, kelıssözder jürgızuge keŋıstık te bar, danalyq tanytuǧa älı de mümkındık mol, – dedı Memleket basşysy.
Ūqsas jaŋalyqtar
