Semei qalasy Resei Federasiiasyna 60 myŋ tonna et önımderın eksporttady. Būl turaly baspasöz mäslihatynda qalalyq auyl şaruaşylyǧy bölımınıŋ basşysy Nūrlan Şaqabaev mälımdedı.
Bölım mamandary aǧymdaǧy jyldyŋ 5 aiynyŋ qorytyndysy boiynşa auyl şaruaşylyǧy maldarynyŋ jeke türlerı men mal şaruaşylyǧy önımderın öndıru sanynyŋ ūlǧaiu ürdısı saqtalatynyn aitty. Irı qara mal sany ötken jylmen salystyrǧanda 5,8% - ǧa, jylqy 10,1% - ǧa östı.
- Bızdıŋ "Semei et kombinaty" JŞS aǧymdaǧy jyly et konservılerı men şūjyq önımderınıŋ 3 partiiasyn eksportqa şyǧardy. "Arai" JŞS Mäskeu men Novosıbırge 5,0 tonna şūjyq önımderın jıberdı. Eksport boiynşa tūjyrymdamany oryndadyq, - dedı N. Maqabaev.
Jalpy, aǧymdaǧy jyldyŋ 5 aiynda 10,7 myŋ tonna et, 10,4 myŋ tonna süt jäne 960 myŋ dana jūmyrtqa öndırıldı. Süt öndırısı ötken jylmen salystyrǧanda 0,8%-ǧa artty.
- "Nätijelı jūmyspen qamtudy jäne jappai käsıpkerlıktı damytu" baǧdarlamasy boiynşa 225 mln.teŋge bölındı. Jeke qosalqy şaruaşylyqtardy damytuǧa jäne ırı qara mal, ūsaq mal men jylqy satyp aluǧa "Auyl şaruaşylyǧyn qarjylai qoldau qory" arqyly 175 mln.teŋge, al Agrarlyq nesie korporasiiasy arqyly 50 mln. teŋge bölındı. Qazırgı uaqytta barlyq şaruaşylyqtar osy jobany ıske asyru boiynşa qūjattardy jinauǧa müddelı. Bügıngı künı 13 mln. teŋge qarjylandyryldy, - dedı bölım basşysy.
Semei öŋırınde köktemgı egıs jūmystary aiaqtaluda. Qazır qyryqqabat pen qyzylşa siiaqty kökönısterdıŋ keş sorttary otyrǧyzylady. Aita keteiık, biylǧy jyly egıs alqaby 3 myŋ gektarǧa ūlǧaidy.
N. Şaqabaev oblys äkımı men auyl şaruaşylyǧy ministrlıgınıŋ barlyq tapsyrmalary tolyq kölemde oryndalyp jatqanyn atap öttı.
"Adyrna" ūlttyq portaly
