Aua raiynyŋ qolaisyzdyǧyna bailanysty tört oblysta kölık qozǧalysy şekteldı

Aua raiynyŋ qolaisyzdyǧyna bailanysty Qazaqstannyŋ 4 oblysynda respublikalyq maŋyzy bar avtojoldardyŋ 10 uchaskesınde kölık qozǧalysyna şekteu engızıldı, dep habarlaidy "Adyrna" tılşısı QazAvtoJol-ǧa sıltep. QazAvtoJol kompaniiasynyŋ taratqan aqparaty boiynşa, elımızdıŋ tört oblysynda kölık qozǧalysyna şekteu engızılgen. Aqtöbe oblysynyŋ 2 uchaskesınde būrqasynǧa bailanysty, naqtyraq "Aqtöbe-Atyrau-Astrahan" 255-330 km, Qarauylkeldı aulysy - Atyrau oblysynyŋ şekarasy - 75 km, "Aqtöbe-Atyrau-Astrahan" 185-255 km, Şūbarkūdyq auyly - Qarauylkeldı auyly – 70 km jol jabyq. Al Jambyl oblysynda "Almaty-Taşkent-Termez" 159-238 km, Kenen auyly - Qainar auyly - 79 km jabylǧan. Sebebı būl aimaqta qar aralas jaŋbyr jauyp, ekpındı jel men tūman bolady. Jetısu oblysynda da 1 uchaske jabyq. Būl öŋırde tūman bolyp, şekteulı körınıs qozǧalysqa kedergı ekenı aitylady. Eldıŋ batysynda da jel men būrqasyn bolyp, aua raiy qolaisyz bolady. Batys Qazaqstan oblysynda 6 uchaske "Oral-Tasqala-RF şekarasy" 4-104 km, Oral qalasy - RF şekarasy - 100 km. "Atyrau-Oral" 375-492 km, Chapaevo auyly - Oral qalasy - 117km. "Chapaevo-Jalpaqtal-Kaztalovka" 0-213 km, Chapaevo auyly - Kaztalovka auyly – 213 km. "Kaztalovka-Jänıbek-RF şekarasy" 0-158 Kaztalovka auyly - Jänıbek auyly – 158km. "Podstepnoe-Fedorovka RF şekarasy 0-36 km, Podstepnoe auyly - Fedorovka auyly – 36 km. Būl aimaqta ekpındı jel, būrqasyn, şekteulı körınıs qozǧalysqa kedergı ekenı aitylǧan. Bügınde respublikalyq maŋyzy bar avtojoldardy qysqy kütıp-ūstauǧa 289 tehnika jäne 460 jolşy jūmyldyrylǧan.