Kezinde oppozıııalyq saıasatker retinde qatar júrgen kásipkerler Tólen Toqtasynov pen Ǵalymjan Jaqııanovtyń arasyndaǵy daý-damaı áli jalǵasyp keledi.
16 qańtar kúni Medeý aýdandyq sotynda ótken Ǵalymjan Jaqııanovtyń Tólen Toqtasynov pen onyń jubaıy Alma Toqtasynovanyń ústinen túsirgen talap-aryzynyń qorytyndy soty ótken bolatyn. «Adyrna» ulttyq portaly sot barysyna qatysyp, sot nátıjesi Tólen Toqtasynovtyń paıdasyna sheshilgenin habarlaǵan edi. Degenmen, Pavlodar oblysynyń eks-ákimi Ǵalymjan Jaqııanov dosy men onyń jubaıyn jaıyna qaldyrar emes. Nelikten?
AQShA ÚShIN TARTYS
Buryn-sońdy arasyn aqsha bólgen eski eki dos arasyndaǵy daýdyń qalaı bastalǵanyn jazǵan edik. Qysqasha aıtsaq, 2000 jyldarda halyqtyń sózin sóılep, muńyn muńdaǵan, 30 jyl aıyrylmastaı dos bolǵan saıasatkerler Ǵalymjan Jaqııanov pen Tólen Toqtasynovtyń arasyn «qara mysyq» kesip ótti.
2019 jyly 30 tamyzda Jaqııanov pen Toqtasynov arasynda Mońǵolııadaǵy ALGT kompanııasynyń 37,5 paıyz kólemindegi úlesin satý-satyp alý týraly hattamalyq kelisim rásimdelgen. Hattamalyq kelisim sharttaryna sáıkes, taraptardyń úles quny 1 765 000 (bir mıllıon jeti júz alpys bes myń) AQSh dollaryna baǵalandy. Toqtasynov kompanııany basqarýdy Jaqııanovqa bergen, keıin Jaqııanov kelisilgen aqshanyń qalǵan bóligin tóleýdi doǵaryp, Toqtasynovty «alaıaq» dep aıyptap, ústinen aryz túsirgen.
Osylaısha, eki jylǵa sozylǵan daýdan keıin Medeý aýdandyq soty Jaqııanovtyń aryzyn qanaǵattandyrmady.
Odan bólek, byltyr Jaqııanov Alma Toqtasynovanyń áleýmettik jelidegi jazǵan jazbalaryna baılanysty «ar-namysymdy taptady» degen jeleýmen 2 000 000 teńgege jýyq aqsha talap etken bolatyn. Eki aıǵa sozylǵan bul sottyń qorytyndysy da Toqtasynovanyń paıdasyna sheshilgen edi. Alaıda Jaqııanov sot nátıjesine qanaǵattanbaı, apellıaııaǵa bergen.
«EKISÓZDILIK BEREKE ÁKELMEIDI»
Alma Toqtasynovanyń aıtýynsha, Jaqııanovtyń qorǵaýshysy 16 qańtar kúni ótken sottyń nátıjesin de apellıaııaǵa beretindikterin aıtqan.
«Bul ádettegi azamattyq is sııaqty. Biraq bul jerde proestiń qyzyqty tusy - tanymal adamdar arasynda bolyp otyr. Jaqııanov ózin oppozıııanyń kóshbasshysy sanaıdy. Sóz bostandyǵy, ádildik, jarııalylyq týraly únemi suhbattar beredi... Alaıda, sotta ózi bul uǵymdarǵa qarsy shyǵyp, múlde tóbe kórsetpedi. Tipti, sottyń ashyq ótýine, jýrnalısterdiń qatysýyna qarsy shyqty. Onyń ornyna Joǵarǵy Sottyń burynǵy sýdıasy, qazir advokat Tagır Sısımbaev otyrdy.
Jaqııanov prokýrordyń qaýlysymen anyqtalǵan anyq faktilerdi de joqqa shyǵardy. Sóıtip, Tólendi aldaǵany úshin onymen kelisim shartqa qol qoıǵanyn aıtty. Biraq sotta Ǵalymjannyń Tólenniń úlesker ekenin ózi rastaǵan alǵashqy hattary kórsetildi. Ǵalymjan bul hattardy joǵaltyp alǵanyn málimdedi. Degenmen, hattar joǵalmaıdy, olar tek joıylady. Sondyqtan Toqtasynov Jaqııanovtan faktini joqqa shyǵaratyn ádetin bile tura, bul hattardy notarıaldy kýálandyrǵan. Sotta kýáger Jaqııanovtyń Lınkıdındegi paraqshasyn oqydy, onda ol ózi «ALGT» kompanııasynyń teń ıesi ekenin jazady. Biraq sotta ol bul kompanııaǵa eshqandaı qatysy joq dep ótirik aıtqan. Sot proesi aıaqtalǵanyna bir mınýttan keıin bul bet Linkidin-nen joǵalyp ketti. Ǵalymjan taǵy da óshirgen bolýy múmkin.
Odan bólek, Ǵalymjan Mońǵolııa polıııasyna Tólendi alǵash 2008 jyly tanyǵanyn aıtqan. Al Jaqııanovtyń qorǵaýshysy 2005 jyly Nazarbaevtyń atyna keshirim jasaý týraly ótinish jazbaǵanyn málimdedi. Degenmen, halyq ekeýin 2000 jyldardan beri biledi. Jaqııanovtyń sózi men isi saı kelmeıdi. Ekisózdilik bereke ákelmeıdi», - dedi Alma Toqtasynova «Adyrna» ulttyq portalyna bergen suhbatynda.
«JAQIIaNOV ÓTIRIK AITÝDAN UIaLA MA?»
Sonymen qatar, Alma Toqtasynova aqsha úshin emes, otaǵasynyń abyroıy úshin sońyna deıin kúresetinin jetkizdi.
«Bul sot aqshaǵa qatysty daý bolyp kórinedi. Biraq aqsha túkke de turmaıdy. Men Tólenniń atyna jaǵylǵan aıyp pen onyń abyroıy úshin, balalarymyzdyń bolashaǵy úshin sońyna deıin kúresemin.
Ǵalymjan Tólenmen sottassa da, «Adyrna» usynǵan suhbattan qashady. Sonda Tólenniń kózine qarap, ótirik aıtýǵa uıala ma? Tólen onymen ashyq suhbattasýǵa qarsy emes, ony talaı aıtty. Biraq Jaqııanov tarap ony da, meni de, tipti BAQ ókilderin de jaıyna qaldyrar emes», - dedi Toqtasynova.
Aıta keteıik, 2023 jyly qańtar aıynda Tólen Toqtasynovtyń «Adyrnanyń» ıýtýb arnasyna bergen suhbatynan keıin, “Adyrna” ulttyq portaly Ǵalymjan Jaqııanovqa da alań usynyp, suhbat berýin suraǵan bolatyn. Alaıda ol oǵan oń jaýabyn bermeı, "Adyrna" portalynyń ústinen aryz tastap úlgerdi. Is Alataý aýdandyq sotynda qaralýda. Kezekti sot otyrysy 25 qańtarda ótedi.
Dana Nurmuhanbet
«Adyrna» ulttyq portaly
