Búgin, 3 qarasha Almaty qalasy Medeý aýdandyq sotynda Ǵalymjan Jaqııanovtyń Tólen Toqtasynov pen onyń jubaıy Alma Toqtasynovaǵa qatysty talap aryzy boıynsha qorytyndy sot proesi ótti. Nátıjesinde Alma Toqtasynova jeńiske jetti. Taǵylǵan barlyq aıyp alynyp tastaldy, dep habarlaıdy “Adyrna” ulttyq portaly.
Pavlodar oblysynyń eks-ákimi, saıasatker Ǵalymjan Jaqııanov burynǵy dosy eks-depýtat Tólen Toqtasynovtyń jubaıy Alma Toqtasynovadan “ar-namysymdy taptady” degen jeleýmen 2 000 000 teńgege jýyq aqsha talap etken bolatyn. Degenmen, eki aıǵa sozylǵan sot Toqtasynovanyń paıdasyna sheshildi.
Buǵan deıin eki dos arasyndaǵy daýdyń neden bastalǵanyn jazǵan edik.
Aıta keteıik, qańtar aıynda Tólen Toqtasynovtyń «Adyrnanyń» ıýtýb arnasyna bergen suhbatynan keıin, Jaqııanov “Adyrna” ulttyq portalynyń ústinen aryz tastaǵan bolatyn.
