19 qyrkúıek Medeý aýdandyq sotynda Tólen Toqtasynov pen Ǵalymjan Jaqııanov arasyndaǵy kezekti sot otyrysy ótti, dep habarlaıdy “Adyrna” tilshisi.
Sot otyrysyna taǵy da talapker Ǵalymjan Jaqııanov kelmedi.
Sot barysynda Jaqııanov tarap “Adyrna” ulttyq portaly men sotqa qatysqan BAQ ókilderine shaǵym túsirdi. Jaqııanovtyń ókilderi sýdıa Aqpaevtan «buqaralyq aqparat quraldaryna aqparatty burmalaýdyń jáne taraptardyń biriniń múddesin lobbıleýdiń aldyn alý týraly túsinik berýdi» surady. Shaǵym “Adyrna” ulttyq portalyna jáne Jaqııanovtyń kelmeýine basa nazar aýdarǵan basqa da buqaralyq aqparat quraldaryna jiberilgen.
Degenmen, sot “jaýapkerdiń redakııalyq saıasatyn jýrnalıster ózderi anyqtaıdy” degen ýájben kelise otyryp, ótinishti qanaǵattandyrýdan bas tartty. Bul baspasózge qysym bolýy múmkin ekenin aıtpaǵanda, talapkerdiń ózi «Adyrnaǵa» suhbat berýden bas tartyp otyr.
Osy tusta, “Adyrna” ulttyq portaly eki tarapqa da ashyq ekenin eskertedi. Ǵalymjan Jaqııanov myrzadan suhbat alýǵa «Adyrna» qashanda daıar. Tipti, Tólen Toqtasynovpen birge ashyq áńgimege shaqyrady.
Aıta keteıik, qańtar aıynda Tólen Toqtasynovtyń «Adyrnanyń» ıýtýb arnasyna bergen suhbatynan keıin, Jaqııanovqa “Adyrna” ulttyq portaly alań usynyp, suhbat berýin suraǵan bolatyn. Alaıda ol oǵan oń jaýabyn bermeı, "Adyrna" portalynyń ústinen aryz tastap úlgerdi.
Al sot otyrysy taǵy da keıinge qaldyryldy. Bul sottalýshynyń sot quzyretin Almaty qalasynyń Ekonomıkalyq sotyna berý týraly ótinishimen negizdelgen. Sýdıa "sot proessi Almaty qalasy boıynsha arnaıy ekonomıkalyq sotyna jiberilip, qaralsyn" degendi qabyldamaı, Toqtasynovtyń zańgerleriniń osy sheshimge kelispeýimshilik aryzyn qaraýy kerek.
Osylaısha, sot proesi áli de jalǵasyn tabady. Kelesi sot otyrysy qazan aıynyń úshi kúni ótýi múmkin.
«Adyrna» ulttyq portaly
