Memleketke opasyzdyq jasady dep aiyptalǧan Ūlttyq qauıpsızdık komitetınıŋ (ŪQK) būrynǧy töraǧasy Kärım Mäsımovten raqymşylyqqa ılıgu üşın Qaŋtar oqiǧasy turaly bar şyndyqty aituyn sūrau kerek. Būl turaly Mäjılıs deputaty Ermūrat Bapi aitty, dep habarlaidy “Adyrna” ūlttyq portaly «Orda.kz» saityna sıltep.
«Men öz basym Mäsımovtı ūiymdastyruşy dep oilamaimyn. Ol Qauıpsızdık keŋesı töraǧasynyŋ būiryqtaryn oryndauǧa mäjbür boldy. Kärım Mäsımov köp jyldar boiy premer-ministr jäne Nazarbaevtyŋ senımdı adamy bolǧanyn atap ötemın. Ol özınıŋ jeke tapsyrmasyn oryndap qana qoimai, tūŋǧyş prezidenttıŋ jeke ısımen de ainalysty. Mäsımov ataqty «Qazaqgeitten» keiın Europadan öz aktivterın şyǧaryp jatqan, sonymen qatar «Eskı Qazaqstannyŋ» aktivterın Oŋtüstık-Şyǧys Aziiada, Qytaida, Şanhaida, Gonkongta jäne Ämırlıkterde ornalastyruǧa qatysqan. Eger Mäsımov barlyq tranzaksiialardy äşkerelep, onyŋ ornyna bostandyq sūraityn bolsa, oǧan būl raqymşylyq jasau kerek dep oilaimyn», - deidı Mäjılıs deputaty Ermūrat Bapi.
Bapidıŋ aituynşa, Kärım Mäsımov Qaŋtar oqiǧasyn ūiymdastyra almaǧan. Mäsımov qaŋtardaǧy oqiǧalardyŋ barlyq tızbegın körsetıp, basty ūiymdastyruşyny atauy kerek.
«Bız üşın ony türmede ūstaudan görı, tärkılengen mülıkter turaly aqparatty anyqtau maŋyzdyraq. Onyŋ türmede otyrǧanynan halyqqa paida joq», – deidı Bapi.
Eske salaiyq, 2023 jyldyŋ 24 säuırınde Astana soty QR Ūlttyq qauıpsızdık komitetınıŋ būrynǧy basşysy Kärım Mäsımovke qatysty QR QK 175-babynyŋ 1-bölıgı (memleketke opasyzdyq), 3-bölıgı boiynşa 18 jylǧa sottaǧan bolatyn. Onyŋ būrynǧy orynbasarlary Änuar Sadyqūlov 16, Däulet Erǧojin jäne Marat Osipov 15 jäne üş jylǧa sottaldy.
10 mausymda Mäsımov Qazaqstan prezidentı Qasym-Jomart Toqaevtan keşırım sūraǧany belgılı boldy.
