Memleket basşysy Qasym-Jomart Toqaev Başqūrtstan Respublikasynyŋ basşysy Radii Habirovty qabyldady, dep habarlaidy "Adyrna" ūlttyq portaly. Būl turaly QR Prezidentınıŋ resmi saity mälımdedı.
Qasym-Jomart Toqaev Astana men Mäskeudıŋ ekıjaqty bailanystaryn nyǧaituǧa öŋıraralyq yqpaldastyq eleulı üles qosyp otyrǧanyn atap öttı. Osy oraida Başqūrtstan Respublikasy erekşe röl atqarady. "Qazaqstan men Resei arasyndaǧy jan-jaqty qatynastarǧa tyŋ serpın beru tūrǧysynan alǧanda bügıngı saparyŋyzdyŋ mänı zor. Bız industriia, agroönerkäsıp keşenı jäne gumanitarlyq salalardaǧy bailanystarymyzdy ärtaraptandyru üşın barynşa küş salamyz", – dedı Memleket basşysy. Prezident bırqatar kelısımnıŋ, sonyŋ ışınde ükımetter deŋgeiınde qol qoiylǧan Yntymaqtastyqtyŋ 2023-2024 jyldarǧa arnalǧan jol kartasynyŋ tabysty jüzege asyrylyp jatqanyna nazar audardy. Öz kezegınde Radii Habirov qazaq jerınde qonaqjailyq körsetkenı üşın Qasym-Jomart Toqaevqa alǧys aitty. "Başqūrtstan men Qazaqstan arasyndaǧy qarym-qatynasty damytuǧa erekşe män beretınıŋızdı bılemız. Menımen bırge ülken delegasiia keldı. 2-3 jyldyŋ ışınde bız tauar ainalymy men önerkäsıp kooperasiiasynyŋ kölemın aitarlyqtai ūlǧaittyq. Bügın «Qazaqstan – Başqūrtstan» forumyn aştyq. Bız üşın Qazaqstan – eŋ basty serıktes. Bız mūnda özımızdı erkın sezınemız", – dedı Radii Habirov. Kezdesude sauda-ekonomikalyq, mädeni-gumanitarlyq, önerkäsıp jäne özara müddenı közdeitın basqa da salalardaǧy yntymaqtastyqty jandandyruǧa basa män berıldı.Ūqsas jaŋalyqtar
