Oksford universitetınde qazaq tılın oqytu qolǧa alynbaq. Būl turaly Ǧylym jäne joǧary bılım ministrı Saiasat Nūrbek aitty, dep habarlaidy «Adyrna» tılşısı.
«Ūlybritaniiadaǧy Oksford universitetı arasynda özara yntymaqtastyq bailanys ornatyp, özara kelısımge qol qoidyq. Sonyŋ nätijesınde Oksford universitetınde qazaq tılın oqytu qolǧa alynatynyn süiınşılep aitqym keledı»,—dedı ol.Sondai-aq ministr prezident Qasym-Jomart Toqaevtyŋ tapsyrmasymen daiarlanǧan Oxford Qazaq sözdıgınıŋ alǧaşqy basylymyn britaniialyqtarǧa syiǧa bergenın jetkızdı.
«Tıl – halqymyz üşın basty qūndylyqtardyŋ bırı. Qazaq jäne aǧylşyn tılındegı Oxford Qazaq sözdıgın tanystyra otyryp, bız jaŋa tarihi beleske köterılemız. Sonyŋ arqasynda älem jūrtşylyǧy mädenietımız ben halqymyzdyŋ tarihy turaly mol mälımet bıletın bolady. Bız qazaq tılın tek qaǧaz jüzınde ǧana emes, memlekettık tıldı damytudy sifrlandyru arqyly belsendı türde jüzege asyramyz»,- dedı Saiasat Nūrbek.
Ūqsas jaŋalyqtar
