Memlekettık qyzmet ısterı agenttıgınde 2023 jyldyŋ jūmys qorytyndysy boiynşa alqa otyrysy öttı. Oǧan Prezident Äkımşılıgınıŋ ökılderı, Prezident janyndaǧy Memlekettık basqaru akademiiasy, Agenttık janyndaǧy Qoǧamdyq keŋes, Ädep jönındegı komissiia, Servistık memlekettık apparatty qalyptastyru jäne onyŋ qyzmetın biurokratiiadan aryltu jönındegı Konsultativtık-saraptamalyq top müşelerı qatysty.
Alqa mäjılısınde MQIA töraǧasy Darhan Jazyqbai Agenttık özınıŋ memlekettık qyzmet salasyn baqylau funksiiasy aiasynda azamattar men memlekettık qyzmetşılerdıŋ qūqyqtaryn qorǧauǧa basa nazar audaratynyn atap öttı.
Osy maqsatta Agenttıkpen öŋırlerdegı Ädep jönındegı keŋesterdıŋ qūramyna BAQ ökılderı men jūrtşylyqtyŋ belsendı ökılderın tartu boiynşa auqymdy jūmys jürgızıldı.
2023 jyly Ädep jönındegı keŋesterdıŋ 195 otyrysy ötkızılıp, onda 1300-den astam ötınışter men sūraqtar qaraldy. Olardyŋ 62% profilaktikalyq sipatta boldy jäne ädeptılık qūqyq būzuşylyqtardyŋ aldyn aluǧa baǧyttaldy. Jyl qorytyndysy boiynşa Ädep jönındegı keŋester ūsynystarynyŋ 96% -y oryndaldy, būl atalǧan institut jūmysynyŋ tiımdılıgınıŋ joǧary körsetkışı sanalady.
Agenttıktıŋ üilestıruımen öŋırlerde ädep jönındegı uäkılder tarapynan auqymdy tüsındırme jūmystary jürgızılıp 26 myŋnan astam azamat pen memlekettık qyzmetşılerge jeke konsultativtık kömek körsetıldı.
Aita ketu kerek, 2023 jyly Agenttıkpen 396 tekseru jürgızılıp, 13 myŋnan astam būzuşylyq anyqtaldy. Tekserısterdıŋ qorytyndysy boiynşa zaŋsyz aktılerdıŋ küşın joiu turaly 345 ūsynym jäne ūiǧarym engızılıp, olardyŋ 97,9%-y tolyǧymen oryndaldy. Baqylau şaralarynyŋ nätijesı boiynşa qabyldanǧan şeşımderdıŋ arqasynda 191 azamattyŋ qūqyǧy qorǧaldy.
Darhan Jazyqbai memlekettık qyzmet – būl memlekettık qyzmetşılerden eldık müddenı, zaŋdar men adamgerşılık ūstanymdardy jeke paidadan biık qoiudy talap etetın qoǧamdyq senım ekenın eskertıp, soǧan orai memlekettık qyzmetşılerdıŋ ädep qaǧidattaryna joǧary talaptar qoiylatynyn aitty.
Agenttıkpen memlekettık qyzmetşılerdıŋ Ädep kodeksıne tüsındırmeler äzırlendı. Olar Kodekstıŋ normalaryn täjıribede qoldanu barysynda dūrys tüsınuge baǧyttalǧan.
Sondai-aq Agenttık basşysy memlekettık qyzmetşılerdıŋ qūmar oiyn mekemelerıne baru faktılerıne orai qoǧam tarapynan syni pıkırler men narazylyqtar tuyndap jatatyndyqtan ötken jyly Ädep kodeksıne memlekettık qyzmetşılerdı qūmar oiyn mekemelerıne barudan tartynuǧa yntalandyru boiynşa tüzetuler engızılgenın atap öttı.
QR MQIA Baspasöz qyzmetı
