Būl turaly Memlekettık qyzmet ısterı agenttıgınıŋ töraǧasy Darhan Jazyqbai 2023 jylǧy jūmys qorytyndysy boiynşa alqa otyrysynda aitty.
MQIA Töraǧasy Agenttıkpen 2023 jyly memlekettık qyzmet körsetu sapasyn baqylau salasynda 498 tekseru jürgızılgenın atap öttı. Nätijesınde 66 myŋ zaŋ būzuşylyq anyqtaldy. Tekseru qorytyndysy boiynşa 898 lauazymdy tūlǧa tärtıptık jauapkerşılıkke, 365 äkımşılık jauapkerşılıkke tartyldy.
Qyzmet aluşylardyŋ qūqyqtaryn proaktivtı türde, olardyŋ şaǧymdaryn kütpei-aq, qaşyqtan monitoring jürgızudıŋ tiımdılıgı atap ötıldı. Būzuşylyqtar anyqtalǧan jaǧdaida zaŋdylyqty qalpyna keltıru jäne qyzmet aluşylardyŋ qūqyqtarynyŋ būzyluyna jol bermeu boiynşa şaralar qabyldanady. Monitoring nätijesınde öŋırlerde aqparattyq jüie arqyly 11 myŋnan astam zaŋ būzuşylyqtar anyqtaldy.
Osyndai şaralardyŋ nätijesınde 360 azamattyŋ qūqyqtary qalpyna keltırıldı.
Darhan Jazyqbai 2023 jyldyŋ soŋynda «e-Qyzmet» aqparattyq jüiesınde memlekettık qyzmet körsetudı baqylau modulı äzırlengendıgın atap öttı. «Būl aldaǧy uaqytta baqylau ıs-şaralaryn jürgızu prosesın meilınşe avtomattandyruǧa jäne uaqyt şyǧyndary men qaǧazbastylyqty boldyrmauǧa septıgın tigızbek.
Bız memlekettık qyzmet körsetu ürdısterın jetıldıru maqsatynda jüielı taldau jürgızudemız. Nätijesınde «elektrondyq ükımet» portalynda jūmys ıstemei tūrǧan 40 memlekettık qyzmet anyqtaldy. Qazırgı uaqytta olardyŋ 14-ı ıske qosyldy, qalǧan 26 memlekettık qyzmettı ıske qosu jūmystary jürgızılude. Sonymen qatar, 16 memlekettık qyzmet avtomattandyryldy, 10 memlekettık qyzmettı körsetu barysynda zaŋnamalarda kezdesetın qaişylyqtar joiyldy.
Taldau nätijelerıne säikes 104 memlekettık qyzmet tolyqqandy körsetılmeitındıgı anyqtaldy. Iаǧni qyzmet aluşylar özınıŋ qajettılıgıne tüpkılıktı qol jetkızu üşın memlekettık organdarǧa bırneşe märte jügınuge mūqtaj.
Sonymen qatar, azamattardy äure-sarsaŋǧa salmau üşın 110 qyzmettı proaktivtı türde jäne 75 qyzmettı «bır ötınış» qaǧidaty boiynşa körsetu ūsynyldy. Memlekettık qyzmetterdı körsetu barysynda 35 komissiiany jäne 13 kelısudı qysqartu boiynşa ūsynystar äzırlendı.
Agenttık ūsynystaryn negızge ala otyryp Ükımet memlekettık organdarǧa tapsyrma bergen soŋ memlekettık qyzmetterdı körsetu prosessterın jetıldıru jäne oŋtailandyru baǧytynda olar tiıstı jūmystar atqaruda» - dedı Agenttık töraǧasy.
QR MQIA Baspasöz qyzmetı
