Kásibi bar qandastar Qazaqstannyń kez kelgen jerine qonystana alady. Bul týraly Qazaqstannyń Eńbek jáne halyqty áleýmettik qorǵaý mınıstrligi málimdedi, dep habarlaıdy “Adyrna” ulttyq portaly.
«Qandastardy kóshirý bes baǵyt boıynsha júrgiziledi. Osylaısha, Qazaqstanda suranysqa ıe mamandyqtary barlar óz betimen jumysqa ornalasyp, kez kelgen óńirge qonys aýdarýǵa jiberilip, kandas mártebesin alý múmkindigine ıe», - delingen Eńbek jáne halyqty áleýmettik qorǵaý mınıstrliginiń resmı saıtynda jarııalanǵan habarlamada.
Málimetterge sáıkes, qandastar Qazaqstan azamattarynyń arasynan jaqyn týystary turatyn óńirlerge qonys aýdarýǵa jiberiledi. Eger etnıkalyq qazaqtardyń izdenetin kásibi nemese jaqyn týystary bolmasa, olar memlekettik qoldaý sharalaryn alý úshin úkimet belgilegen óńirlerge jiberiledi. Sondaı-aq, kandastar demografııalyq damýdy qajet etetin aýmaqtarǵa jáne Qazaqstandaǵy joǵary oqý oryndarynda oqıtyn etnıkalyq qazaqtar ýnıversıtetterdiń ornalasqan jerlerine jiberiledi.
Aıta keteıik, 2023 jyly Qazaqstanǵa 21 325 úmitker keldi, onyń 12 829-y eńbekke qabiletti jasta.
