كاسىبى بار قانداستار قازاقستاننىڭ كەز كەلگەن جەرىنە قونىستانا الادى. بۇل تۋرالى قازاقستاننىڭ ەڭبەك جانە حالىقتى الەۋمەتتىك قورعاۋ مينيسترلىگى مالىمدەدى، دەپ حابارلايدى “ادىرنا” ۇلتتىق پورتالى.
«قانداستاردى كوشىرۋ بەس باعىت بويىنشا جۇرگىزىلەدى. وسىلايشا، قازاقستاندا سۇرانىسقا يە ماماندىقتارى بارلار ءوز بەتىمەن جۇمىسقا ورنالاسىپ، كەز كەلگەن وڭىرگە قونىس اۋدارۋعا جىبەرىلىپ، كانداس مارتەبەسىن الۋ مۇمكىندىگىنە يە»، - دەلىنگەن ەڭبەك جانە حالىقتى الەۋمەتتىك قورعاۋ مينيسترلىگىنىڭ رەسمي سايتىندا جاريالانعان حابارلامادا.
مالىمەتتەرگە سايكەس، قانداستار قازاقستان ازاماتتارىنىڭ اراسىنان جاقىن تۋىستارى تۇراتىن وڭىرلەرگە قونىس اۋدارۋعا جىبەرىلەدى. ەگەر ەتنيكالىق قازاقتاردىڭ ىزدەنەتىن كاسىبى نەمەسە جاقىن تۋىستارى بولماسا، ولار مەملەكەتتىك قولداۋ شارالارىن الۋ ءۇشىن ۇكىمەت بەلگىلەگەن وڭىرلەرگە جىبەرىلەدى. سونداي-اق، كانداستار دەموگرافيالىق دامۋدى قاجەت ەتەتىن اۋماقتارعا جانە قازاقستانداعى جوعارى وقۋ ورىندارىندا وقيتىن ەتنيكالىق قازاقتار ۋنيۆەرسيتەتتەردىڭ ورنالاسقان جەرلەرىنە جىبەرىلەدى.
ايتا كەتەيىك، 2023 جىلى قازاقستانعا 21 325 ۇمىتكەر كەلدى، ونىڭ 12 829-ى ەڭبەككە قابىلەتتى جاستا.
