Úkimet úıinde ótken baspasóz máslıhatynda Ulttyq ekonomıka mınıstri Álibek Qýantyrov qolma-qol aqshaǵa jappaı kóshý jáne mobıldi aýdarymdardan bas tartý týraly aıtty, dep habarlaıdy “Adyrna” ulttyq portaly.
“Meniń oıymsha, bul – ýaqytsha qubylys. Keıbir kásipkerlerdiń tarapynan túsinbeýshilikter oryn alǵan soń, osyndaı dúrbeleń paıda boldy. Biz memleket úshin jumys istegimiz keledi, bul jerde mańyzdysy kásipkerlerdiń muny óz eli úshin jasaý kerektigin túsinýi. Siz sur aımaqtarda jumys isteı almaısyz. Qazaqstan álemdegi qarjylyq tehnologııalar men mobıldi aýdarymdar boıynsha álemdegi ıfrlandyrylǵan elderdiń biri.Bizge AQSh-tan, Eýropadan kelgen sheteldikter ıfrlandyrý deńgeıin kórip, tańǵalady, - dedi Álibek Qýantyrov.
Ulttyq ekonomıka mınıstri buǵan deıin Qarjy mınıstrliginen shaǵymdar bolsa, tıisti málimdeme jasaýǵa bolady degen úndeý bolǵanyn eske saldy. Degenmen, Álibek Qýantyrov jaǵdaı jaqsarady dep esepteıdi.
“Men ózim elektrondy gadjetterdi belsendi paıdalanamyn. Bul óte yńǵaıly. Al ekonomıka úshin aıryqsha problemalar týyndaıdy dep oılamaımyn. Barlyq adamdar aqshaǵa bolsa da taýarlardy satyp alady. Bankter bankomattarǵa kóbirek qolma-qol aqsha salýy kerek”, - dep tolyqtyrdy mınıstr.
Aıta keteıik, qazaqstandyq kásipkerler mobıldi aýdarymdarǵa salynatyn salyqqa narazylyq bildirgen edi. Nátıjesinde olar taýarlar men qyzmetter úshin mobıldi tólem túrinen bas tartyp, qolma-qol tólem túrine kóshken bolatyn.
“Adyrna” ulttyq portaly
