Jazyqsyz sottalǧan Almaty qalasynyŋ tūrǧyny Ernar Seidazovtyŋ ata-anasy BI-GROUP holdingınıŋ töraǧasy Aidyn Raqymbaevqa ündeu hat joldady.
«BI-GROUP» holdingınıŋ enşıles kompaniialary – «Kaspako» jäne «Bi Global» JŞS-de 2 ai ǧana jūmys ıstegen Ernar Seidazov «96 000 000 teŋgenıŋ materialyn ūrlap ketıptı» degen jalǧan aiyppen 8 jylǧa sottalǧan. Ükımdı Almaty qalasy Alatau audandyq soty şyǧarǧan. Qamaudaǧy jıgıttıŋ ata-anasy Aşirhan Seidazov pen Kamilanyŋ Nurmahanova sottyŋ şeşımımen kelıspeidı. «BI-GROUP» holdingınıŋ enşıles kompaniialary – «Kaspako» jäne «Bi Global» JŞS-nıŋ jeke aqşasy bolsa bır särı, bıraq memlekettıŋ tapsyrysymen memlekettıŋ qarjysyna memlekettık mektepter salynyp jatqanyn Almaty qalasy Alatau audandyq soty men Almaty qalasy qylmystyq ıster jönındegı alqasy mülde elmegen. Ldetaev, Arystanbekov degen qyzmetkerler jalǧan kuä bolyp, Ernar Seidazovtyŋ moinyna «Kaspako» jäne «Bi Global» JŞS-nıŋ basşylyǧy jymqyrǧan aqşany közboiauşylyqpen arta salǧan. Būǧan deiın Ernar Seidazovtyŋ ata-anasy Prezident Toqaevqa da, Mäjılısı deputattarynyŋ atyna da araşa sūrap, hat jazǧan. BI-GROUP holdingınıŋ aksionerı jäne direktorlar keŋesınıŋ töraǧasy Aidyn Raqymbaev myrzaǧa! Qūrmettı Aidyn Raqymbaev! Sızge elımızdıŋ damuyna üles qosyp jürgen ozyq oily azamat, ädıldık, şyndyq, zaŋdylyq qaǧidalaryn qūrmetteitın adam retınde osy hatty joldap otyrmyn. Menıŋ hatymdy köŋıl bölıp oqyp, oŋ jauap beresız dep ümıttenemın. Būl hatta körsetılgen jaǧdailar men faktıler tek menıŋ ötınışımdı ǧana emes, Sız basqaryp otyrǧan holdingtıŋ filialdaryndaǧy zaŋsyzdyqtardy, tärtıptıŋ joqtyǧyn, qyzmetkerlerdıŋ jauapsyzdyǧyn, äsırese qarjy salasyndaǧy erejelerdıŋ dörekı būzyluyn qamtidy. Men Nurmahanova Kamila BI-GROUP holdingınıŋ «Kaspako» jäne «Bi Global» JŞS-nde jabdyqtauşy bolyp 2021-2022 jyldary 2,5 ai jūmys ıstep, sol 2,5 aida «Kaspako» JŞS-ne 62 426 380 teŋge, «Bi Global» JŞS-ne 33 679 175 teŋge şyǧyn keltırdı degen aiyppen sottalyp ketken Seidazov Ernardyŋ anasymyn. İä, menıŋ balam sot ükımımen aiypty dep tanyldy, bıraq sot ıstı ädıl zaŋdy qaramady, zaŋsyz ükım şyǧardy. Zaŋsyzdyqtyŋ dälelı sol – joǧalmaǧan zatty da ūrlady dep sottap otyr. Zaŋsyz ükımnıŋ şyǧuyna «Kaspako» jäne «Bi Global» JŞS-nıŋ materialdyq jauapty tūlǧalary men qarjylyq qauıpsızdık bölımı qyzmetkerlerınıŋ zaŋ talaptaryn dörekı türde būza otyryp jasaǧan qūjattary negız boldy. Sol qyzmetkerler keltırılgen şyǧynnyŋ jauaptylyǧynan öz bastaryn alyp qaşu üşın barlyǧyn menıŋ balam E.Seidazovtyŋ moinyna ıluge barlaryn saldy, sol üşın sottyŋ özıne yqpal jasady dep oilaimyn. Sebebı sot: - «Kaspako» jäne «Bi Global» JŞS-nıŋ jasaǧan tügendeu tızımderı (inventarizasionnye opisi) QR Qarjy ministrınıŋ «Buhgalterlık eseptı jürgızu qaǧidalaryn bekıtu turaly» 2015 jylǧy 31 nauryzdaǧy № 241 būiryǧynyŋ ( QR ÄM-nde 2015 jyly 6 mamyrda № 10954 tırkelgen) Tügendeu jürgızu tärtıbı turaly 4 tarauynyŋ 61, 65, 67 tarmaqtaryn öreskel būza otyryp jasalǧanyna; - tügendeu tızımın jasauǧa komissiia müşesı retınde qol qoiǧan qyzmetkerlerdıŋ sotta özderınıŋ tügendeuge qatyspaǧanyn aitqanyna, - tügendeu tızımın tügendeuge qatysuǧa bolmaityn adamdar jasaǧanyna; - «Kaspako» jäne «Bi Global» JŞS-nde buhgalterlık ıs-qūjattardyŋ qalai bolsa solai jasalatynyna, ol qūjattar kım körıngennıŋ, tıptı sol mekemelerde jūmys ıstemeitın adamdardyŋ qolynda jüretınıne - joǧaldy degen materialdardy uchaske basşylary qabyldap alyp, buhgalteriia arqyly ötkızıp, jetkızuşılerge aqşasyn tölep qoiyp, odan soŋ ol material joǧaldy dep menıŋ balama jala jauyp otyrǧanyna; - menıŋ balam E.Seidazov jūmys ıstemegen kezde joǧalypty degen materialdy da menıŋ balamnyŋ moinyna ılgenıne; - tügendeu tızımı men audit, saraptama jäne sot ükımı boiynşa materialdar men şyǧyn kölemı boiynşa aiyrmaşylyqtarǧa - ıs boiynşa materialdardyŋ Jetkızuşı kompaniialardan naqty alynǧan-alynbaǧanyn däleldeitın qūjattardyŋ joqtyǧyna - sotta «Kaspako» jäne «Bi Global» JŞS-nıŋ qyzmetkerlerı öz qyzmettık mındetterı men bolǧan jaǧdai boiynşa dūrys jauap bere almai, materialdardyŋ joǧaluyna qalai jol berılgenın tüsındıre almaǧanyna - qyzmetkerlerdıŋ jūmysqa degen jauapkerşılıgı joqtyǧyna, öz mındetterıne nemqūrailylyǧyna qaramastan ZAŊSYZ ükım şyǧardy. Būl Zaŋsyz Ükımnıŋ şyǧuyna sol jauapsyz qyzmetkerler yqpal jasap otyr dep oilaimyn. Qūrmettı Aidyn Jūmadılūly! Men qazır qorǧauşymen bırge kassasiialyq sotqa şaǧym daiyndaudamyn. Älı de bolsa ädıldık zaŋdylyq bolady dep ümıttenemın. «Kaspako» jäne «Bi Global» JŞS-nde jasalǧan jalǧan qūjattardyŋ negızınde Sottyŋ Zaŋ talaptaryn būza otyryp şyǧarǧan ükımın qoǧam talqysyna salyp, talqylau üşın jurnalisterge aqparat beruge mäjbür bolyp otyrmyn. Jäne sottaǧy ädıletsızdıkke baǧa beru üşın Senat jäne Mäjılıs deputataryna joldauǧa da hat daiyndap jatyrmyn. Ärine Sız sot ükımı bar eken dep menıŋ balamnyŋ taǧdyryna aralaspauyŋyz mümkın. Bıraq Sızdıŋ holdingtıŋ filialdary qyzmetkerlerınıŋ qalai jūmys ısteitını turaly aqparat Sızge qyzyq bolar dep oilaimyn. Memleketten tapsyrystar alyp, äleumettık qūrylystar – mektep, emhana siiaqty ırı qūrylystardy salyp jatqan holdingtegı qarjy, materialdyq qūndylyqtarǧa jauapty adamdardyŋ jauapsyzdyǧy turaly, qataŋ esepte boluy tiıs qūjattardyŋ qalai bolsa solai jasalatynyn, tärtıptıŋ joqtyǧy turaly bıluıŋız kerek. Sotta «Kaspako» jäne «Bi Global» JŞS-nıŋ menıŋ balamnan materialdy qabyldap alyp, nakladnoilarǧa qol qoiyp bergen Ldetaev, Arystanbekov degen qyzmetkerler «ol materialdardy körgen joqpyz, Seidazovqa senıp qol qoidyq» dep jauap berdı. Menıŋ balamdy būryn tanymaityn, bılmeitın, tanystyq-tuystyǧy joq adamdar jūmysqa jaŋa kelgen adamǧa senıp qalai milliondaǧan aqşanyŋ qūjattaryna qol qoiyp bere beredı? Būl jauapsyzdyq pa? Jauapsyzdyq! Jäne osy jauapsyzdyqty Sızdıŋ qyzmetkerlerıŋız üşın qalypty jaǧdai dep sanaidy eken. Olardyŋ sotta aitqany «bız bır-bırımızge senıp, teksermei jūmys jasai beremız». Būl sybailasyp qylmys jasauǧa jol aşu! Eger ol olardyŋ jeke aqşasy bolsa bärı bır, bıraq Sızder memlekettıŋ tapsyrysymen memlekettıŋ qarjysyna memlekettık mektepter salyp jatyrsyzdar ǧoi. Memlekettıŋ aqşasy oŋdy-soldy şaşylyp jatqan joq pa? Is boiynşa «Menıŋ balam 2 ai ǧana jūmys ıstep, jūmysqa kırmei-aq milliondaǧan teŋgenıŋ materialyn ūrlap ketıptı. Uchaske basşysy men joba jetekşısı material kırgen-kırmegenı teksermei, nakladnoiǧa qabyldap aldym dep qol qoia berıptı. Ol ūrlanǧan material buhgalterlık eseppen ötıp, aqşasy tölenıp ketıptı. Odan soŋ da ūrlyq jasala berıptı, ony eşkım teksermeptı, senıp jüre berıptı. Material obektıge kırdı me, kırmedı me eşkım qaramapty. Ol ūrlyqty 5 aidan keiın ǧana anyqtapty». Sonda būl ne degen qadaǧalau joq, aşyq-şaşyq qūrylys? Jauapty qyzmetkerler, qauıpsızdık qyzmetı qaida qaraidy? Jalpy materialdyq qūndylyqtar dūrys esepke alynyp, dūrys sanalyp, dūrys alynyp-berıledı me? Älde anyqtalǧany anyqtalyp, anyqtalmaǧany oŋdy-soldy şaşylyp ketıp jatyr ma? Materialdar qūrylys obektılerıne jetıp jatyr ma? Älde qaǧazben on tonna, al naqty bır tonna kırıp, sapasyz qūrylystar salynyp jatyr ma? Sūraq köp. Qyzmetkerlerıŋız būl sūraqtarǧa jauap bere almady. Sot ta būl sūraqtarǧa jauap aluǧa tyryspady. Sızden jauap bolatyn şyǧar dep jazyp otyrmyn. Apelliasiialyq şaǧymda «Kaspako» jäne «Bi Global» JŞS-nıŋ qyzmetkerlerınıŋ buhgalterlık esep boiynşa qandai zaŋdardy būzyp qūjattar jasaǧany, sotta qandai jauap bergenı, jalpy osy ekı mekemede jūmystyŋ qalai jüretını turaly tolyq sipattalǧan. Qajet deseŋız sol qyzmetkerlerdıŋ sotta bergen jauaptaryn sottan alyp audio jazba jıberuge de kömektese alamyz. Kezdesıp, ıs boiynşa män-jailardy anyqtap sūraǧyŋyz kelse, advokatpen bırge jeke kezdesuge keluge daiynbyz. Osy hatymdy oqyp, män-jailardy tekserıp, öz qorytyndyŋyzdy jasap, pıkır bıldıruıŋızdı sūraimyn. Balamnyŋ ısı boiynşa zaŋdy şeşımge qol jetkızuge yqpal jasauyŋyzdy sūraimyn.Kamila Nurmahanova
Ūqsas jaŋalyqtar
