"Kürkırep kündei öttı bır soǧys" dep Qasym aqyn aitqandai sailaudyŋ da şuy men duy basyldy. Qazırgı "tazarǧan" saiasat alaŋynda elde Qasym-Jomart Toqaevtan asqan saiasatker joq. Onyŋ basty qarsylasy bolǧan Ämırjan Qosanovtyŋ sailau qorytyndysy şyǧar-şyqpastan qūttyqtap, moiyndaǧany da sonyŋ dälelı. Anau bylai bolǧanda, mynau bylai bolǧanda degen äŋgımenıŋ barlyǧy endı bos söz bolyp qala bermek.
Bıraq, bız bır saiasatkerdı qaperden tys qaldyrdyq. Ol, Qazaqstannyŋ Reseidegı tötenşe jäne ökılettı elşısı İmanǧali Tasmaǧambetov. Qazaqstandaǧy soŋǧy "oiyndar" uaqytynda Tasmaǧambetovtyŋ oiynnan tys qalǧanyn eskersek, İmanǧalidyŋ saiasi salmaǧy artpasa tömendegen joq. Endıgı sūraq, kezınde Elbasy Nazarbaev "şekara asyrǧan" Tasmaǧambetovty qazırgı prezident Toqaev Qazaqstanǧa aldyra ma?
Sailaudan keiın üş kün boiy elımızdıŋ basty qalalarynda halyqtyŋ sailauǧa, jüiege degen narazylyq mitingılerın eskerse, Qasym-Jomart Kemelūly İmanǧali Nūrǧaliūlyn aldyrady. Aldaǧy küzde ötetın Parlament sailauynda bilıktıŋ partiiasyn käteptı qara nardai süireitın tūlǧa ol- Tasmaǧambetov. El ışınde süikımı bar İmanǧalidyŋ jurnalister men ziialy qauym aldynda da bet-bedelı bar. Bilıktıŋ oligarhtyq klandary da "Tastan" aiaǧyn tartyp jüredı. qyzu qandy bükıl Batystyŋ İmanǧalidy qalai han köteretının eskersek, jäne däl qazır kadrlyq daǧdarystaǧy bilıktıŋ jaǧdaiyn baǧamdasaq Tasmaǧambetovty Mäskeuden Nūr-Sūltanǧa auystyru tiımdı şeşım bolmaq.
Al, endı kezındegı bilıktıŋ özı qauıptengen Tasmaǧambetovtyŋ Qazaqstanǧa oraluy qazırgı bilık üşın "aşyq minany" öz erkımen aldyrǧanmen bırdei. Lider kütıp otyrǧan halyq üşın İmanǧalidyŋ oraluy, halyqtyŋ "kökten sūraǧanyn jerden bergenmen" teŋ jaǧdaida. Känıgı saiasatker Nūrǧaliūly da būny bılıp otyr. Joǧaryda aitqanymyzdai jurnalister men ziialy qauymnyŋ qoldauynan bölek, halyqtyŋ da süiıspenşılıgın eskersek, būl "şahmat jürısı" bilık üşın öte qauıptı qadam.
Al, Tasmaǧambetovtyŋ öz oiy qandai ekenı belgısız. Eger, ambisiiasyn aqylyna jeŋdırse, bärınen tys qalǧany dūrys. Barlyq "oiynnan". Qazır Qazaqstan saiasatynda "qaraŋǧy bölmeden qara mysyq oinau" oiyny ötıp jatyr. Halyqqa bedelı bar tūlǧalar saiasattyŋ "batpaǧyna batyrylyp", aǧaş atqa mıngızılude. Tasmaǧambetovty joq degende deputat retınde aldyrǧan künnıŋ özınde aiaǧy qalai bolaryn özı de sezıp otyr. Kezınde sol kezdegı Astana qalasynyŋ äkımı bolǧan Nūrǧaliūly jurnalister aldynda "qandai jaǧdaida bolmasyn deputat bolmaitynyn" mälımdegen bolatyn.
Soŋǧy söz Tasmaǧambetovten. "Uaqyt -töreşı".
Oŋǧar Qabden
"Adyrna ūlttyq portaly
