Qazaqstan Media Aliansy mälımdeme jasady

2032
Adyrna.kz Telegram
https://adyrna.kz/content/uploads/2024/02/07ebf9fd-5560-48e1-95da-22df33e00557.jpeg

Keiıngı uaqytta Qazaqstanda şeteldık BAQ ökılderın tırkeudı zaŋnamalyq tūrǧyda retteuge qatysty türlı pıkır  aitylyp, ony  rezonanstyq taqyrypqa deiın jetkızu äreketı baiqalyp otyr.  Qazaqstan Media Aliansy öz tarapynan  būl jaǧdaidan qandai da bır astar ızdeu orynsyz dep sanaidy.  Şeteldık BAQ-tyŋ qyzmetı jaily talaptyŋ zaŋnama tūrǧysynan qaralyp otyrǧany älemdık täjıribe. Kez kelgen eldıŋ aqparattyq qauıpsızdıgı jolyndaǧy jasaityn prosedurasy.

Qazırgı uaqytta elımızde  älemnıŋ 15 elınen şeteldık 39 BAQ akkreditteuden ötıp,  olardyŋ 160 jurnalisı elımızde qyzmet etıp otyr. Būl degenımız - Qazaqstanda şeteldık BAQ-tyŋ jūmys ısteuıne qandai da bır şekteu joqtyǧynyŋ bırden-bır körınısı.

Aita keteiık,  Qazaqstanda şeteldık BAQ-ty tırkeude aldyn ala habarlau  mehanizmı ǧana qoldanylyp keledı. Köp jaǧdaida şeteldık jurnalister tarapynan Qazaqstan zaŋnamasyn būzu jaǧdailary jiı kezdesıp tūratynyn da aita ketken jön. Al älemdık täjıribege qarar bolsaq, eger şeteldık BAQ ökılderı jergılıktı zaŋnamany

būzǧan jaǧdaida tıptı akreditasiiany qaitaryp alu mehanizmı bar. Mäselen, AQŞ pen Türkiiada akkreditasiiany qaitaryp alumen qatar, sol elde jurnalistık qyzmettı jalǧastyruǧa tyiym bar. Är el özınıŋ zaŋnamasynda şeteldık BAQ ökılderınıŋ qyzmetın retteu normalaryn äldeqaida qarastyrǧan.

Jalpy şeteldık BAQ ökılderınıŋ özge elde qyzmetın jürgızu üşın tırkeuge alu keŋ taralǧan älemdık täjıribe. Basqasyn aitpaǧanda, älemnıŋ ozyq elderı AQŞ, Germaniia, Ūlybritaniia, Singapur, Malaziia syndy elderde de osy täjıribe zaŋ jüzınde bekıtılıp, qoldanylyp keledı, al şeteldık BAQ ökılderıne är eldıŋ qoiar talaby qataŋ.

Al endı Qazaqstanda  tırkeuge alynbaǧan şeteldık BAQ ökılderınıŋ jūmysyn  zaŋ jüzınde retteu osy älemdık täjıribege sai jasalyp otyrǧan qalypty jaǧdai.  Qazaqstan Media Aliansy  tırkeuge alynbaǧan şeteldık BAQ ökılderınıŋ qyzmetın zaŋnamada retteuden qandaida bır terıs äreket ne şekteu köru älemdık täjıribeden habarsyzdyq dep oilaimyz.

Pıkırler