Aqparat jáne qoǵamdyq damý mınıstri Aıda Balaeva otandyq BAQ salasyn damytý máselelerine arnalǵan dóńgelek ústel jıynynda mınıstrliktiń taıaý bolashaqtaǵy josparlarymen tanystyrdy.
Mınıstrdiń aıtýynsha, salanyń barlyq bastamalary Úkimettiń bekitýimen 2020-2022 jyldarǵa arnalǵan «Aqparat salasyn damytýdyń ulttyq josparyna» biriktirilgen. Soǵan sáıkes otandyq aqparat keńistigin damytýdyń úsh negizgi baǵyty anyqtalyp otyr. Olar – bul buqaralyq aqparat quraldarynyń básekege qabilettiligin arttyrý; adamı kapıtaldy damytý; aqparat salasyndaǵy zańnama men quqyqtyq máseleler.
– BAQ-tyń básekege qabilettiligin arttyrý úshin memlekettik qoldaýdyń birqatar tásilderi qaıta qaralady. Árıne, eń aldymen, áńgime óńirlerdegi memlekettik aqparattyq tapsyrysty jetildirý týraly bolyp otyr. Budan bólek, taldamalyq jáne mýltımedııalyq kontenttiń úlesin arttyrý arqyly memlekettik tapsyrystyń tıimdiligin jetildirýdi qolǵa alatyn bolamyz. Óz kezeginde bul qadam otandyq BAQ sapasyn kóterý boıynsha taǵy da birqatar sharalarǵa túrtki bolǵaly tur, – dedi Aıda Balaeva.
