Mädeniet jäne aqparat ministrı Aida Balaeva baspasöz qyzmetkerlerın käsıbi merekelerımen qūttyqtady, dep habarlaidy «Adyrna» tılşısı.
«Qūrmettı dostar! Barşa ärıptesterımdı Ūlttyq basylym künımen qūttyqtaimyn!Qazaq baspasözınıŋ taǧylymǧa toly tarihynda būl künnıŋ maŋyzy bölek. Sebebı däl osy künı Älihan Bökeihanūly, Ahmet Baitūrsynūly, Mırjaqyp Dulatūly sekıldı ūlt ziialylarynyŋ esımımen ūştasyp jatqan «Qazaq» gazetınıŋ alǧaşqy sany jaryq kördı. Sondyqtan, ötken jyly Ükımet qaulysymen 2 aqpan – Ūlttyq basylym künı bolyp bekıtıluınıŋ özındık simvoldyq mänı bar dep bılemız.
Ūlt müddesın qorǧauda ūlttyq-saiasi mınberge ainalǧan «Qazaq» gazetı bolaşaqqa degen ūly mūrat jolynda barşa halyqtyŋ basyn bırıktırdı. Ūlttyq bırlık pen yntymaqtyŋ eren ülgısın körsetıp, qazaq qoǧamynnyŋ ruhani kemeldenuıne airyqşa yqpal ettı»,—dedı ol.
Ministr elımızde baspasözdıŋ eleulı röl atqaratynyn atap ötıp, ministrlıktıŋ merzımdı basylymdarǧa ünemı qoldau körsetıp kele jatqanyn jetkızdı.
«Memleket basşysy «Otandyq baspasöz elımızdıŋ tūtastyǧy men tatulyǧyn nyǧaitu jolynda eleulı röl atqarady» dep atap ötkenındei, baspasöz qaşan da ūlttyŋ ünı, memlekettıgımızdıŋ tūǧyry ıspettı. Mädeniet jäne aqparat ministrlıgı merzımdı basylymdarǧa ūdaiy qoldau körsetıp keledı.
1991 jyly elımızde tek 10 respublikalyq gazet pen jurnal jaryq körıp, 21 tele jäne radioarna efirge şyqsa, 2024 jylǧy qaŋtardaǧy esep boiynşa Qazaqstanda 5 804 BAQ tırkelgen, onyŋ 3 985 – ı merzımdı baspasöz basylymy, 212-ı telearna, 90-y radio, 1 222-ı aqparattyq agenttıkter jäne jelılık basylymdar.
Gazet-jurnaldarǧa jazylu ısı de oŋtailandyrylyp, "Qazpoşta" jäne Kaspi Bank qosymşalary arqyly onlain-jazylu jūmystary jüielendı.
Ötken jyly aimaqtardaǧy merzımdı basylymdarynyŋ jūmys deŋgeiın arttyru maqsatynda ūiymdastyrylǧan öŋırlık BAQ forumy biyl da jalǧasyn tabady.
Älemde bolyp jatqan jaŋa trendterge qaramastan, merzımdı basylymdardyŋ jönı bölek, maŋyzy erekşe. Sol sebeptı, ūlttyq mediany damytu, bäsekege qabılettı būqaralyq aqparat qūraldaryn qalyptastyru, jurnalisterdıŋ märtebesın arttyru – negızgı maqsattarymyzdyŋ bırı. Aldaǧy uaqytta osy baǧytta bärımız bırlese jūmys ıstei beremız dep oilaimyn.
Sondyqtan osy salaǧa qatysy bar barşa qyzmetkerlerdı Ūlttyq baspasöz künımen taǧy da qūttyqtaimyn! Sızderge şyǧarmaşylyq tabys pen sarqylmas şabyt tıleimın!”»—dedı Aida Ǧalymqyzy.
