“Uaqytşa toqtatyluy mümkın”. Maiqaiyŋda qūtqaruşylardyŋ ömırıne qauıp tönıp tūrǧany aityldy

Pavlodar oblysyndaǧy “Maiqaiyŋaltyn” kenışındegı opyrylǧan jerde qūtqaruşylardyŋ ömırıne qauıp tönıp tūrǧany aityldy, dep habarlaidy “Adyrna” ūlttyq portaly QR Tötenşe jaǧdailar ministrlıgınıŋ baspasöz qyzmetıne sılteme jasap.

Pavlodar oblysyndaǧy «Maiqaiyŋaltyn» AQ aumaǧyndaǧy opyrylǧan jerde ekskavatorlar topyraq pen tau jynystaryn qaita qazu jūmystaryn jalǧastyruda. Ötken täulıkte soltüstık betkeidegı ekskavatorlar şamamen 25 tekşe metr kölemınde topyraqty qaita qazdy. Qazır aumaqtaǧy opyrylǧan orynnyŋ barlyq perimetrı boiynşa jaryqtar paida bolǧan. Mamandardyŋ sözınşe, būl öte qauıptı jaǧdai. “Būryn kışırek jaryqtar paida bolǧan kezde, qūlaular oryn alǧan. Sonymen qatar, topyraqty magnitometr men geoskanermen zerttegen kezde mamandar būl nysannyŋ ornalasqan jerınde būzylu yqtimaldyǧy joǧary degen qorytyndyǧa keldı. Jūmysty nölden tömen temperatura men küştı qarly boran da qiyndatady. Mūnyŋ barlyǧy qūtqaruşylardyŋ ömırıne qauıp töndıredı”, - dep habarlady Tötenşe jaǧdailar ministrlıgı. Osyǧan bailanysty ızdestıru-qūtqaru jūmystarynyŋ bır bölıgı nemese tolyqtai toqtatyluy mümkın ekenı aityldy. “Avariialyq-qūtqaru jäne kezek küttırmeitın jūmystardy jürgızu mümkın bolmaǧan jaǧdaida, tötenşe jaǧdaidy joiu basşysy bırınşı kezekte tötenşe jaǧdai aimaǧyndaǧy adamdardy qūtqaru boiynşa barlyq mümkın şaralardy qabyldai otyryp, atalǧan jūmystardy tolyqtai nemese olardyŋ bır bölıgın toqtata tūru turaly şeşım qabyldauǧa qūqyly. Būl mäsele qaraluda”, - dep tolyqtyrdy TJM.

“Adyrna” ūlttyq portaly