Almaty qalasynda úshinshi temirjol vokzalynyń qurylysy bastalady. Bul týraly Almaty ákiminiń orynbasary Asqar Ámrın málimdedi, dep habarlaıdy «Adyrna» tilshisi.
«Jańa temirjol platformasyn salýǵa arnalǵan aýmaq «Qazaqstan temir joly» Ulttyq kompanııasy» AQ-ǵa tıesili magıstraldyq jelide ornalasqan. Vokzal Mádenıet shaǵynaýdany mańynda salynady. Platformany «Qazaqstan temir joly» salady. Bizdiń basty mindetimiz – ETJ-da vokzal men vokzal mańyndaǵy alańdy qamtamasyz etý boldy. Qazir 2 apta buryn jarııalanǵan kólik qańqasyna sáıkes tehnıkalyq-ekonomıkalyq negizdemesi daıyndalyp jatyr. Biz onyń merzimin 2026-2027 jyldar dep qarastyryp otyrmyz», – dedi ol.
Jańa temirjol platformasy júk jáne jolaýshylar aǵynynyń bir bóligin qaıta baǵyttaýǵa, sondaı-aq qosymsha jolaýshylar poıyzdaryn engizýge múmkindik beredi, osylaısha qalanyń jol ınfraqurylymyndaǵy kólik júktemesin azaımaq.
Aıta keteıik, joba buǵan deıin deıin jarııalanǵan birqatar qujatta, sonyń ishinde ońtústik astananyń 2040 jylǵa deıingi Bas josparynda qarastyrylǵan edi.
