Almaty qalasynda üşınşı temırjol vokzalynyŋ qūrylysy bastalady. Būl turaly Almaty äkımınıŋ orynbasary Asqar Ämrin mälımdedı, dep habarlaidy «Adyrna» tılşısı.
«Jaŋa temırjol platformasyn saluǧa arnalǧan aumaq «Qazaqstan temır joly» Ūlttyq kompaniiasy» AQ-ǧa tiesılı magistraldyq jelıde ornalasqan. Vokzal Mädeniet şaǧynaudany maŋynda salynady. Platformany «Qazaqstan temır joly» salady. Bızdıŋ basty mındetımız – ETJ-da vokzal men vokzal maŋyndaǧy alaŋdy qamtamasyz etu boldy. Qazır 2 apta būryn jariialanǧan kölık qaŋqasyna säikes tehnikalyq-ekonomikalyq negızdemesı daiyndalyp jatyr. Bız onyŋ merzımın 2026-2027 jyldar dep qarastyryp otyrmyz», – dedı ol.
Jaŋa temırjol platformasy jük jäne jolauşylar aǧynynyŋ bır bölıgın qaita baǧyttauǧa, sondai-aq qosymşa jolauşylar poiyzdaryn engızuge mümkındık beredı, osylaişa qalanyŋ jol infraqūrylymyndaǧy kölık jüktemesın azaimaq.
Aita keteiık, joba būǧan deiın deiın jariialanǧan bırqatar qūjatta, sonyŋ ışınde oŋtüstık astananyŋ 2040 jylǧa deiıngı Bas josparynda qarastyrylǧan edı.
