Ákimdik úsh jańa metro jelisiniń qandaı bolatynyn jáne qaı jerde bolatynyn aıtty, dep habarlaıdy “Adyrna” ulttyq portaly.
25 qańtarda Prezıdent Qasym-Jomart Toqaevtyń qatysýymen ótken keńeste Almaty qalasynyń kólik júıesin damytý josparlary, onyń ishinde metropolıten men jańa jelilerdi odan ári damytý josparlary usynylǵan bolatyn.
Osyǵan baılanysty qalalyq ákimdik úsh jańa metro jelisiniń qandaı bolatyny jáne qaıda ornalasatyny týraly Tengrinews.kz saıtynyń suraǵyna jaýap berdi:
Jibek joly stanııasynan bastalatyn shyǵys jeliniń uzyndyǵy 12,8 shaqyrymdy quraıdy. Bul araqashyqtyqta 8 stanııa qamtylady. Atalǵan baǵyt Gogol kóshesiniń boıymen shyǵysqa qaraı Ortalyq mádenıet jáne demalys saıabaǵy arqyly ÚAAAJ-ǵa deıin, sodan keıin Qulja tasjoly boıymen soltústik-shyǵys baǵytta áýejaıǵa qaraı ótedi. Aralyq stanııalardyń biri ÚAAAJ-den Qulja tasjolyna ótý aımaǵyndaǵy "Shyǵys" kólik toraby bolady.
Soltústik baǵyttaǵy úshinshi metro jelisi Saıran stanııasynan bastalady. Uzyndyǵy 16,4 shaqyrymdy quraıtyn bul baǵytqa 15 stanııa kiredi. "Saırannan" soltústik baǵyttaǵy jeli Brýsılovskıı kóshesiniń boıymen, odan ári Soltústik aınalma tasjolymen (kóterme-bólshek saýda bazarlary arqyly) jáne shyǵys baǵytta M.Jumabaev kóshesimen "Kókmaısa", "Qarasý", "Aınabulaq" shaǵynaýdandary arqyly Hmelnıkıı kóshesine deıin ótedi.
Jer ústi metrosynyń taǵy bir jelisi Soltústik basqarýdaǵy "Almaty-2" stanııasynan Súıinbaı kóshesi boıymen "Almaty-1" vokzalyna deıin sozylady. Jeliniń uzyndyǵy - 8,5 kılometr. Jobalaý kezinde stanııalardyń sany men orny anyqtalady.
Bul joba Memleket basshysyna usynylǵan syzba boıynsha 2030 jylǵa deıin ázirlený kerek.
“Adyrna” ulttyq portaly
