Qytai 3 astronavtyn «Aspan saraiy» atanǧan öz ǧaryş stansiiasynyŋ qūrylysy üşın 3 aiǧa saparǧa attandyrdy.
Memlekettık saiasattyŋ maqsaty aspanasty elı «Halyqaralyq ǧaryş stansiiasynan» bölek, täuelsız jeke özı jaŋa jaŋa ǧaryş stansiiasyn salmaqşy. Qūrylys 2022 jyly aiaqtalady. Qazırgı taŋda stansiianyŋ bölıkterı ǧaryşqa şyǧarylǧan. Astronavttar sol bölıkterdı qosu men özge de qūrylys jūmystaryn atqarady.
Bügıngı taŋda bükıl älem elderı bırıgıp paidalanatyn «Halyqaralyq ǧaryş stansiiasynyŋ» qoldanu merzımı 2028 jyly aiaqtalady. Eger ǧaryş derjavasyna jatatyn basqa bır el jaŋa stansiia salmasa Qytai ǧaryş stansiiasy bar älemde jalǧyz memleket bolady. Älem elderı Qytaidyŋ şarttarynda, şyǧystaǧy aǧaiynnyŋ ǧaryş stansiiasyn qoldanuǧa mäjbür halge tüsedı. Bügıngı künnıŋ özınde älemnıŋ 17 elı Qytaimen bırlese jūmys ısteuge ötınış bıldırgen. Onyŋ ışınde Resei de bar.
Reseidıŋ 2025 jyly «ROSS» atty öz ǧaryş stansiiasyn salady degen jospary bar. Sonymen bırge Qytai mamandarymen de bırlese jūmys ısteuge äzır.
Osy jyly Marsqa zertteu apparatyn sättı qondyrǧan Qytai keŋ kölemdı memlekettık qoldau men saiasattyŋ arqasynda ǧaryş derjavalarynyŋ qataryna qosyldy dep aituǧa tolyq bolady.
Bız qalaiyq, qalamaiyq aldaǧy 10 jylda älemdık ekonomikada, saiasatta, ǧylymda Qytai faktory bırınşı orynǧa şyǧady.
Bauyrjan SERIKBAEV,
"Adyrna" ūlttyq portaly
Ūqsas jaŋalyqtar
