Sybailas jemqorlyqqa qarsy qyzmet Qairat Satybaldyūlyna qatysty ıstı tergeu şeŋberınde elge jyl basynan berı 44,6 mlrd teŋge qaitardy. Būl turaly vedomstvonyŋ baspasöz qyzmetı mälımdedı, dep habarlaidy “Adyrna” ūlttyq portaly.
«Qazırgı uaqytta qarajat memleketke keltırılgen zalaldy öteu esebınen respublikalyq biudjetke jıberıldı»,– delıngen antikor habarlamasynda.
Antikor töraǧasy Ashat Jūmaǧalidıŋ departament basşylarymen jedel keŋesı kezınde aitty. Keŋeste şeneunıkter prezident Qasym-Jomart Toqaevtyŋ Ükımettıŋ keŋeitılgen otyrysynda aitqan tapsyrmalaryn talqylaǧan.
«Memleket basşysy atap ötkendei, zaŋsyz şyǧarylǧan aktivterdı qaitaru investisiialardyŋ taǧy bır közı boluǧa tiıs»,– delıngen habarlamada.
Odan bölek, Prezident ekonomikaǧa jaŋa serpın beru üşın käsıpkerlermen jäne investorlarmen tolyqqandy serıktestık qūru qajettıgıne nazar audarǧany söz boldy.
«Bır jyl būryn Antikormen biznestı qorǧau jūmysy aiasynda «Bizneske jol» jobasy ıske qosyldy. Ol jergılıktı jerlerde käsıpkerlıktıŋ damuyna kedergı keltıretın jüielı äkımşılık kedergılerdı joiuǧa arnalǧan»,– delıngen habarlamada.
Joba ıske qosylǧan sätten bastap 600-den astam problemalyq keis şeşılıp, 30 myŋǧa juyq käsıpkerge kömek körsetılgen.
Sondai-aq, Prezidenttıŋ tapsyrmasyna säikes, «aqşany boiaudy» pilottyq engızu üşın avtojoldar salu, auyl şaruaşylyǧy tehnikasy men jabdyqtaryn satyp alu, sondai-aq Äleumettık-käsıpkerlık korporasiialardyŋ qarajatyn paidalanu salalary aiqyndalǧan.
Eske salsaq, 2022 jyldyŋ 26 qyrküiegınde Qazaqstannyŋ būrynǧy prezidentı Nūrsūltan Nazarbaevtyŋ nemere ınısı Astana qalasy Baiqoŋyr audanynyŋ №2 soty Qairat Satybaldyūlyn 6 jylǧa bas bostandyǧynan aiyrylǧan bolatyn. Oǧan Qylmystyq kodekstıŋ ekı baby «aldau nemese senımge qiianat jasau jolymen mülıktık zalal keltıru», «senıp tapsyrylǧan böten mülıktı iemdenu nemese talan-tarajǧa salu» baptary boiynşa aiyp taǧylǧan bolatyn. Ol prosess barysynda taǧylǧan aiypty moiyndady.
Ūqsas jaŋalyqtar
