Ūlytau oblysynda jer sılkınısı bolǧany turaly aqparat tarady, dep habarlaidy "Adyrna" tılşısı Tengrinews.kz-ke sıltep.
Tırkelgen derekterge säikes, jer asty dümpulerı 14 aqpan künı Astana uaqyty boiynşa saǧat 11:09-da tırkelgen.
"Sätbaev qalasynan oŋtüstık-batysqa qarai 9 şaqyrym jerde jer sılkınısı boldy. Magnitudasy-4,6. Energetikalyq klass - 11", - delıngen Qazaqstandyq derekter ortalyǧynyŋ habarlamasynda.Tötenşe jaǧdailar ministrlıgı bolsa, "sezılmegen seismikalyq oqiǧalar" turaly habarlady.
"14.02. saǧat 08.00-den 11.42-ge deiıngı aralyqta Ūlytau oblysynyŋ Sätbaev qalasynda «Qazaqmys» JŞS bas geomehanigı Oŋtüstık Jezqazǧan kenışınıŋ jūmys ıstep tūrǧan №65 şahtasynda bos oryndardy mäjbürlep josparly öteu oryn alǧany turaly habarlama tüstı, sonyŋ saldarynan sezılmegen seismikalyq oqiǧalar tırkeldı. Zardap şekkender turaly aqparat tüsken joq. Oqiǧa ornyna TJD qyzmetkerlerı (şamamen 20 km qaşyqtyq) şyqty", - delıngen ministrlık habarlamasynda.Degenmen, jer sılkınısın onlain körsetetın bazalarda soŋǧy täulıkte Ortalyq Aziia boiynşa jer sılkınısı tırkelmedı. Bırneşe kün būryn jelıde "jer sılkınısı bolady" degen aqparat taraǧan bolatyn. Alaida Almatydaǧy brifing barysynda Seismologiialyq baqylaular men zertteuler Ūlttyq ǧylymi ortalyǧynyŋ direktory Däulet Särsenbaev jer sılkınısı kütılmeitının mälımdedı.
"2024 jylǧa 70 paiyz qatty jer sılkınısı kütılmeidı", - dedı Däulet Särsenbaev.
Ūqsas jaŋalyqtar
