"Qazaqmys" korporasiiasy Jezqazǧantüstımetal öndırıstık bırlestıgıne kıretın Oŋtüstık-Jezqazǧan jäne Jylandy ken oryndary jūmysşylarynyŋ talaptaryna jauap berdı. Basşylyq jūmysşylardyŋ jalaqysyn ösırmeitının mälımdegen, dep habarlaidy "Adyrna" ūlttyq portaly.
17 jeltoqsan künı Ūlytau oblysyndaǧy "Oŋtüstık Qazaqstan" kenışınıŋ №65 şahtasynyŋ qyzmetkerlerı ereuılge şyqqan bolatyn. Ereuılşıler aldymen jalaqyny 30%, bıraz uaqyttan keiın 100% köterudı sūrady. "Qazaqmys" baspasöz qyzmetı korporasiianyŋ bas direktory men käsıpodaq ökılderı jūmysşylarmen tüsındıru jūmystaryn jürgızgenın mälımdedı.
"Kezdesu barysynda olar "Jezqazǧantüstımetal" kompaniiasynda eŋ tömengı jalaqy 363 myŋ teŋge (jöndeu-mehanikalyq mamandandyrylǧan basqarmanyŋ tazalauşysy), medianalyq jalaqy 650 myŋ teŋge ekenın atap öttı. Būl rette Ūlytau oblysyndaǧy medianalyq jalaqy 404 105 teŋge, al Qazaqstan boiynşa ortaşa jalaqy ekı ese az, iaǧni 285 677 teŋge", – dep habarlaidy baspasöz qyzmetı.200-den asa qyzmetker jalaqyny köterudı talap etken.
"İndeksasiia ūlttyq statistika biurosy 2024 jylǧa bekıtken infliasiia deŋgeiıne säikes jürgızıledı. Jalaqy 8,5%-ǧa artqan jaǧdaida korporasiia boiynşa ortaşa jalaqy 822 myŋ teŋgege (2024 jyly – 730 431 teŋge) jetedı. Al jer astyndaǧy mamandar üşın 1 303 000 teŋge bolady (2024 jyly – 1 202 000 teŋge). Jalaqynyŋ odan ärı kürt ösuı aimaqtarmen jäne salamen salystyrǧanda ülken aiyrmaşylyq tuǧyzyda. Soŋynda kompaniianyŋ keibır kenışterınıŋ bäsekege qabılettılıgın tömendetıp, olardy toqtap qaluǧa äkeledı", – dep esepteidı korporasiia.
Ūqsas jaŋalyqtar
