Qostanaıda mektepterge "shabýyl jasaımyn" dep jalǵan aqparat taratqan adamnyń kim ekeni anyqtaldy, dep habarlaıdy "Adyrna" tilshisi.
Eldi dúrliktirgen adam 10 jastaǵy bala bolyp shyqty.
Qostanaı oblysy Polıııa departamenti baspasóz qyzmetiniń málimetinshe, áleýmettik jelide jalǵan aqparat taratqan adam anyqtalǵan.
"Áleýmettik jelide terrorlyq áreket taqyrybyndaǵy jarııalanymdy kórgen ol mátinin kóshirip alǵan. Sosyn oǵan foto qosyp, montajdaǵan. Keıin WhatsApp arqyly synyptastaryna taratqan. Atalǵan derek boıynsha qylmystyq is qozǵaldy. Tergeý amaldary júrgizilip jatyr. Oqýshynyń ata-anasy QR zańnamasyna sáıkes jaýapkershilikti arqalaıdy", - delingen habarlamada.
Áleýmettik jelide 15 aqpan kúni Qostanaı mektepterinde atys uıymdastyrylatyny týraly habarlama tarap, kópti dúrliktirgen bolatyn.
Endi balaqaıdyń ata-anasy da sot aldynda jaýap beredi.
