QR oqu-aǧartu ministrınıŋ būiryǧymen Ernūr Nūrlanūly Däuenov Qazaqstan Respublikasy Oqu-aǧartu ministrlıgı Bılım salasynda sapany qamtamasyz etu komitetınıŋ töraǧasy bolyp taǧaiyndaldy, dep habarlaidy "Adyrna" ūlttyq portaly.
Ernūr Däuenov 1988 jyly Pavlodar oblysynda düniege kelgen.
S. Toraiǧyrov atyndaǧy Pavlodar memlekettık universitetın, Qaraǧandy Qaztūtynuodaǧy universitetın bıtırgen. Eŋbek jolyn 2009 jyly Y. Altynsarin atyndaǧy oblystyq daryndy balalarǧa arnalǧan qazaq gimnaziia-internatynyŋ tarih pänınıŋ mūǧalımı retınde bastaǧan.
2011 jyldan 2013 jylǧa deiın Y. Altynsarin atyndaǧy ūlttyq bılım Akademiiasynyŋ ǧylymi qyzmetkerı, Astana qalasynyŋ «Zerde» daryndy balalarǧa arnalǧan mektep direktorynyŋ orynbasary, «Ertıs daryny» öŋırlık ǧylymi-praktikalyq ortalyǧynyŋ zerthana meŋgeruşısı bolyp jūmys ıstedı.
2013-2014 jyldary – Pavlodar oblysy bılım beru basqarmasynyŋ tärbie jūmysy jäne qosymşa bılım beru bölımınıŋ bas mamany.
2014-2015 jyldary – Şarbaqty audany bılım beru bölımı basşysynyŋ orynbasary.
2015-2016 jyldary – Baianauyl audany bılım beru bölımınıŋ basşysy.
2016-2017 jyldary – Pavlodar oblysy bılım beru basqarmasy basşysynyŋ orynbasary.
2017-2019 jyldary – Pavlodar oblysynyŋ ışkı saiasat basqarmasynyŋ basşysy.
2019 jyldan bastap Pavlodar oblysynyŋ mädeniet, tılderdı damytu jäne arhiv ısı basqarmasyn basqardy.
2020 jyldyŋ tamyz aiynan bastap Qazaqstan Respublikasy Bılım jäne ǧylym ministrlıgı Mektepke deiıngı jäne orta bılım Komitetı töraǧasynyŋ orynbasary qyzmetın atqardy.
"Adyrna" ūlttyq portaly
Ūqsas jaŋalyqtar
