Bügın elımızdıŋ bırneşe aimaǧynda aua raiynyŋ qolaisyzdyǧyna bailanysty mektepter qaşyqtan oqytu formatyna auystyryldy, dep habarlaidy "Adyrna" ūlttyq portaly.
Astana qalasynda 0-den 9-synypqa deiıngı 1-auysymdaǧy oquşylar onlain oquǧa köştı. Būl turaly resmi habarlamany Astana qalasy äkımdıgınıŋ monitoring jäne jedel äreket etu ortalyǧy seisenbı keşınde taratty.
"2025 jyldyŋ 22 qaŋtarynda aua raiynyŋ qolaisyzdyǧyna bailanysty 1-auysymdaǧy 0-9 synyp oquşylary qaşyqtan oqytu formatyna köşedı", – delıngen habarlamada.
Pavlodar oblysynda da qolaisyz aua raiyna bailanysty oquşylar qaşyqtan oqytu formatyna auystyryldy.
Qatty jeldıŋ küşeiuıne (ekpını 21 m/s deiın) bailanysty Aqsu qalasy men auyldyq aimaqta 2025 jyldyŋ 22 qaŋtarynda 1-auysymdaǧy 0-4 synyp oquşylary qaşyqtan oqytu formatyna köşırıldı. Būl 3123 balany qamtidy. Osyǧan bailanysty mektepke jetkızu toqtatyldy.
Sondai-aq Pavlodar qalasyndaǧy mektepterdıŋ 1-auysymdaǧy sabaǧy toqtatyldy. Mektepke deiıngı jäne 1-11 synyp oquşylary qaşyqtan oqytuǧa jıberıldı.
Būl şekteuler 9-synyp bazasynda oqityn 1-2 kurs pavlodarlyq studentterıne de qatysty. Abai oblysynda da qolaisyz aua raiyna bailanysty 1-auysymdaǧy oquşylar üşın sabaqtar toqtatyldy.
Ūqsas jaŋalyqtar
