COVID-19 belgileri jáne onyń balalarda qalaı áser etetini jóninde pedıatr, ınfekıonıst, medıına ǵylymdarynyń doktory, S.D. Asfendııarov atyndaǵy QazUMÝ balalar ınfekııasy kafedrasynyń professory Ləzzat Eralıeva aıtyp berdi, dep habarlaıdy elorda ákimdiginiń resmı saıty.
Pedıatrdyń aıtýynsha, álemde COVID-19 vırýsynyń aýyr túrimen aýyratyn balalar jıi tirkele bastady. Bul jańa agressıvti jáne juqpaly KVI shtamdarynyń paıda bolýymen baılanysty.
«Kovıdti týdyratyn SARS-CoV-2 vırýsy balanyń denesine aýa tamshylary nemese baılanys arqyly (zattar arqyly) enedi. Balalardaǵy COVID-19-dyń alǵashqy belgileri eresekter sekildi, ınfekııa juqqan soń orta eseppen bir aptadan keıin paıda bolady. Immýnıteti álsiz balalarda ınkýbaııalyq kezeń 2-3 kúnge deıin qysqarady. Bastapqy kezeńde aýrý qarapaıym sýyq tıgenge uqsaıdy: tamaq aýyryp, muryn biteledi jáne dene temperatýrasy joǵarylaıdy», - dep túsindirdi Lázzat Eralıeva.
Onyń aıtýynsha, kelesi 2-3 kún ishinde aldyńǵy belgilerge jeńil jótel, álsizdik, tábettiń joǵalýy, keýdedegi aýyrsyný, entigý jáne úlken dárettiń suıyq bolýy qosylady.
KVI-diń asa aýyr aǵymy bir jasqa deıingi balalarda jáne sozylmaly patologııalary men qosymsha aýrýlary bar 15 jastan asqan jasóspirimderde baıqalady.
«Ádette, balalar aýyrǵannan keıin 7-11 kúnde qalypqa kele bastaıdy. Balada COVID-19-ǵa tán alǵashqy belgiler paıda bolǵan kezde birden pedıatr dárigerin shaqyrý kerek. Eń bastysy mynany este saqtańyz: balaǵa óz betinshe dıagnoz qoıýǵa, óz betinshe emdeýge jáne ózge de belgilerdiń paıda bolýyn kútýge múldem bolmaıdy!» - dep atap ótti medıına ǵylymdarynyń doktory.
Ol qazirgi ýaqytta balalardy koronavırýstan qorǵaýdyń naqty quraldary joq ekenin aıtty.
Balalardy vırýstan qorǵaýdyń jalǵyz ádisi – eresek turǵyndardy vakınaııalaý jáne juqtyrǵandarmen baılanysta bolmaý.
