Koronavırýsqa qarsy vakına jasaýdy qamtıtyn Qazaqstannyń bıologııalyq qaýipsizdigi týraly ǵylymı zertteýler úshin ǵalymdarǵa jyl saıyn mıllıard teńge bólinedi. Bul týraly Bilim jáne ǵylym mınıstrligi Ǵylym komıtetiniń tóraıymy Janna Qurmanǵalıeva málimdedi, dep habarlaıdy "Adyrna" ulttyq portaly Tengrinews.kz-ke siltep.
Janna Qurmanǵalıeva QazVac koronavırýsyna qarsy qazaqstandyq vakına jasaıtyn bıologııalyq qaýipsizdik problemalary ǵylymı-zertteý ınstıtýtynyń ǵalymdarynyń jalaqysyn arttyrý týraly suraqqa jaýap berdi.
«Ǵalymdardyń jalaqysyn kóterýge qarajat bólindi. Instıtýttyń ǵylymı qyzmetkerleriniń ortasha jalaqysy 325 myń teńgeden jáne odan joǵary bolady. Ákimshilik jáne qyzmet kórsetetin qyzmetkerlerdiń jalaqysy 250 myń teńgege deıin bolady.
Sonymen qatar, 2022-2024 jyldary ınstıtýttyń ǵylymı zertteýlerine eldiń bıologııalyq qaýipsizdigin qamtamasyz etý máseleleri boıynsha 2,8 mıllıard teńge bólindi», dedi Qurmanǵalıeva OKQ brıfınginde.
Onyń aıtýynsha, qazir ınstıtýt janynda ǵylymı-zertteý ınstıtýtynyń qyzmetkerleri úshin úsh úı salynýda. Barlyǵy — 180 páter.
«Osydan birneshe kún buryn osy 180 páterdegi turmystyq tehnıkany, jıhazdy jáne basqa jabdyqtardy satyp alýǵa respýblıkalyq bıýdjetten 293 mıllıon teńge bólingen bolatyn. Iaǵnı, bizdiń ǵalymdar men ınstıtýt qyzmetkerleri osy páterlerge kelgende, olar jaıly ómir súrý úshin barlyq qajettiliktermen qamtamasyz etemiz», dep sendirdi ol.
"Adyrna" ulttyq portaly
