Äleumettık jelıde koronavirusqa qarsy vaksina alǧandarǧa ūşaqpen ūşuǧa bolmaityny turaly video tarady. Sebebı tromboz nemese qan ketu qaupı bar. Stopfake.kz saity būl aqparatty joqqa şyǧardy.
Öitkenı, koronavirusqa qarsy ekpe saldyrǧan adamdar üşın ūşu qaupı jaiynda därıgerler de, ǧalymdar da eşqandai mälımdeme jasamaǧan.
"Medisina ökılderı vaksinanyŋ ekınşı dozasyn alǧan adamdarǧa, tek ekı-üş aptadan keiın ūşaqpen ūşuǧa keŋes bergen. Sebebı, osy uaqyttyŋ ışınde aǧzada antideneler qalyptasady. Sondai-aq, mamandar ekpe saldyrǧan turisterdı saqtyq şaralaryna nemqūraily qaramauǧa şaqyrady. Vaksina saldyrsa da betperde taǧyp, äleumettık qaşyqtyqty saqtau qajet", – delıngen aqparatta.Al ūşu kezınde vaksinasiialanǧan adamdarda tromboz nemese qan ketu qaupı artatyny turaly eşkım aitqan joq. Būl mif aǧylşyn tıldı jelılerde şyqqan. Atap aitqanda, "äue kompaniialary jappai ölımnıŋ aldyn alu üşın ekpe alǧan adamdarǧa ūşuǧa tyiym salady" degen qaueset tarady. Bıraq täuelsız faktchekerler ony joqqa şyǧardy. Äue tasymaldauşy kompaniialar da ondai şekteulerdı engızu josparda joq ekenın mälımdedı. Mäselen, biyl 8 säuırde Qatar Airways bortynda bolǧan barlyq jolauşy men qyzmetker ekpe alyp şyqqan. Sol künı ūşu kezınde jäne qonǧannan keiın tromboz nemese qan ketu jaǧdailary tırkelgen joq. Basqa äue kompaniialary da koronavirusqa qarsy vaksina alǧan turisterdı tasymaldauǧa daiyn ekendıgın habarlady. AQŞ aurulardy baqylau jäne aldyn alu ortalyǧy vaksinasiialanǧan adamdarǧa ūşuǧa resmi türde rūqsat berdı. Europa odaǧyna kıretın memleketter de COVID-19-ǧa qarsy ekpe alǧan turisterdı qabyldauǧa daiyn ekenın mälımdedı.
Ūqsas jaŋalyqtar
