Bılım beru – el bolaşaǧynyŋ negızı. Är öŋırdegı bılım salasynyŋ damu qarqyny – Qazaqstannyŋ intellektualdyq äleuetınıŋ aiǧaǧy. Memleket basşysy Qasym-Jomart Toqaevtyŋ «Ädılettı Qazaqstan» ideiasyn jüzege asyru jolynda sapaly bılım berudı qamtamasyz etu – basty mındetterdıŋ bırı. Osy rette Batys Qazaqstan oblysynda atqarylyp jatqan jūmystar az emes.Oblystaǧy mektepke deiıngı ūiymdardyŋ jaǧdaiy qandai? Jaŋa oqu jylyna daiyndyq qalai jürıp jatyr? «Keleşek mektebı» jobasy aiasynda qandai özgerıster bar? «Adyrna» tılşısı osy jäne özge de sūraqtarǧa jauap alyp üşın Batys Qazaqstan oblystyq bılım basqarmasynyŋ basşysy Eldos Safullinmen arnaiy sūhbattasqan edık.
— Eldos Nabiollaūly, Batys Qazaqstan oblysyndaǧy mektepke deiıngı ūiymdardyŋ bügıngı jaǧdaiy qandai?
— Bügınde oblys boiynşa 562 mektepke deiıngı ūiym jūmys ısteidı. Onyŋ 382-sı memlekettık, 180-ı jeke menşık. Jalpy 34 myŋǧa juyq bala mektepke deiıngı tärbie men bılımmen qamtylǧan. Barlyq balabaqşada aǧymdaǧy jöndeu jūmystary aiaqtaldy.
— Basşylyq qyzmetterde kadr tapşylyǧy baiqala ma?
— İä, qazırgı uaqytta 26 mektepke deiıngı ūiymda basşylyq qyzmet bos, konkurstyq ırıkteu jūmystary jürgızılude. Būl — uaqytşa jaǧdai, tiıstı kadrlyq jūmystar jüielı atqarylyp jatyr.
— Soŋǧy uaqytta el auqymynda jüzege asyp jatqan «Keleşek mektepterı» jobasynyŋ BQO-daǧy ahualy turaly aitsaŋyz.
— Oblysta 3 “Keleşek mektebı” paidalanuǧa berıldı. Būl – bılım sapasyna, infraqūrylymǧa ülken serpın beretın qadam. Jaŋa mektepterdıŋ direktorlary “1000 köşbasşy” jobasynyŋ kadr rezervınen taǧaiyndaldy. Olardyŋ orynbasary lauazymyna 10 pedagog taǧaiyndaldy: 5-euı – auysu, 4-euı – konkurstyq negızde, 1-euı – “1000 köşbasşy” jobasy arqyly jaŋa qyzmetke keldı. Qazırgı uaqytta jalpy 258 pedagog jūmysqa qabyldandy, onyŋ ışınde 228 – auysu tärtıbımen, 30 – konkurstyq jolmen.
— Osy jyly taǧy qanşa mekteptıŋ qūrylysyn aiaqtau közdelıp otyr?
— «Keleşek mektepterı» ūlttyq jobasy aiasynda 8100 oryndyq 9 mekteptıŋ qūrylysy josparlanǧan. Onyŋ ışınde 3 mektep paidalanuǧa berıldı, nätijesınde üş auysymdyq bılım beru mäselesı şeşımın tapty. Qalǧan 3 mekteptıŋ qūrylysy 1 qyrküiekke deiın aiaqtalady dep josparlanyp otyr.
— Jaŋa oqu jylynda oquşylar sany qandai bolady?
— 2025-2026 oqu jylynda boljam boiynşa oblysta 126,9 myŋ oquşy bılım alady. Al ötken oqu jylynda būl körsetkış 124,9 myŋdy qūraǧan edı. 1-synypqa 11569 oquşy qabyldanady dep josparlanǧan, bügınge deiın 10299 bala qabyldandy, olardyŋ 76,4%-y qazaq tılınde bılım aluǧa niet bıldırgen. Sonymen qatar 10-synypqa 7218 oquşy qabyldau josparlandy, qazırgı taŋda 2187 oquşy qabyldandy, onyŋ ışınde 52%-y qazaq tılınde oqidy.
— Jetekşılık lauazymdarǧa taǧaiyndau qalai jürıp jatyr?
— Oblysta 367 memlekettık mektep qyzmet atqarady. Qazırgı kezde 297 mekteptıŋ direktory bar, 22 mektepke basşy qajet, olar tamyz aiynda konkurs arqyly taǧaiyndalady.
— Memleket basşysynyŋ tapsyrmasyn oryndau maqsatynda kürdelı jöndeu jūmystary qalai jürgızılude?
— 2025-2027 jyldar aralyǧynda 86 mektepke kürdelı jöndeu jūmystary jürgızıledı. Onyŋ ışınde:
•2025 jyly – 6 mektep
•2026 jyly – 33 mektep
•2027 jyly – 47 mektep
Jalpy jöndeu jūmystaryna bölıngen soma — 96,3 mlrd teŋge.
— Bılım infraqūrylymyn jaŋartu jūmystary qandai deŋgeide?
— Bügınde «Keleşek mektebı» ūlttyq jobasy aiasynda 9 mektep salynuda. Onyŋ 3-euı paidalanuǧa berıldı:
•Oral qalasyndaǧy Derköl kentınde №51 mektep (1500 oryn)
•Balausa şaǧynaudanynda №52 mektep (1500 oryn)
•Terektı audany Podstepnoe auylynda 1200 oryndyq mektep
Sonymen qatar, Oral qalasynda №31 mektep (400 oryn) apatty mekteptıŋ ornyna boi köterdı. Qaztalov audanynda “Qonys” mektebı (60 oryn) jäne №8 daryndy balalarǧa arnalǧan mektep-liseiınıŋ qūrylysy jürıp jatyr.
— Aǧymdaǧy jöndeu jūmystaryna qanşa qarajat bölındı?
— Aǧymdaǧy jöndeu jūmystaryna basa nazar audardyq. Atap aitsaq, 326 mektepke – 428,8 mln teŋge, 79 balabaqşaǧa – 167,9 mln teŋge, 24 kolledjge – 47,4 mln teŋge bölındı. Būl jūmystar tamyz-qyrküiek ailarynda tolyq aiaqtalady dep josparlanyp otyr.
— Söz soŋynda oblys tūrǧyndaryna qandai tılek aitasyz?
— Sanauly künderden soŋ jaŋa oqu jyly bastalady. Bılım sapasy men onyŋ qoljetımdılıgın arttyru üşın jüielı jūmystar legı jalǧasady dep uäde beremın. Balalarymyzdyŋ sapaly bılım men tärbielı ortada ösuı – basty maqsatymyz. Oblys tūrǧyndaryna zor densaulyq, jaŋa oqu jylynda jetıstıkter tıleimın!
— Sūhbatyŋyzǧa köp raqmet!
