Är adamnyŋ alǧa qoiǧan maqsaty bar, ol maqsatqa jetu jolynda köptegen amaldar qoldanyp, jospar qūramyz. Men Taldyqorǧan joǧary politehnikalyq kolledjınıŋ «Aqparattyq jüieler» mamandyǧynyŋ studentımın. Atalǧan kolledjdı taŋdaǧan sebebım — tehnikalyq jäne käsıptık bılım beretın üzdık oqu oryndarnyŋ bırı. Mūnda qabıletımızdı şyŋdap, baǧyt-baǧdar berıp otyratyn ūstazdardyŋ eŋbegı zor.
2020 jyly Taldyqorǧan joǧary politehnikalyq kolledjı mereilı 85 jyldyǧyn atap öttı. Oqu ordamyz jyldan-jylǧa damyp, örkendeu üstınde. Kolledjde Respublika deŋgeiındegı «Jas maman» jobasy ıske asyryluda. Joba barysynda kolledj bazasy jaŋa jabdyqtarmen tolyǧyp, zamanǧa sai bılıktı maman daiyndau maqsatyn qolǧa aldy. 2020 jyly WorldSkills aimaqtyq chempionatyna qatysyp, «Veb-dizain jäne äzırleu» qūzyrettılıgı boiynşa jüldelı I orynǧa ie boldym. Būl jeŋıske jetu jolynda «Jas maman» jobasy aiasynda qūrylǧan WorldSkills jattyǧu ortalyǧy öz ülesın qosty. Endıgı aldyma qoiǧan maqsatym - mamandyǧym boiynşa Respublika deŋgeiınde jüldelı orynǧa ie bolu jäne bolaşaqta özımnıŋ mamandyǧym boiynşa elımızdıŋ IT salasynynyŋ damuyna ülesımdı qosu. Kolledjdıŋ 85 jyldyǧymen tūspa-tūs kelgen taǧy bır jaŋalyǧymyz – studentterge arnalǧan jana zamanaui jataqhana qoldanysqa berıldı. Jataqhana soŋǧy jaŋa tūrmystyq jabdyqtarmen qamtylǧan. Oqu ornyna jaqyn jerde ornalasqan. Jaŋa studentter üiınıŋ aşyluy, oblysymyzda jastarǧa jaily jaǧdailar jasalyp, käsıptık bılımdı igerude, bılımdı de bılıktı jas ūrpaqqa ülken qoldaudyŋ belgısı. Elımızde jastarǧa köptegen jaǧdai jasaluda. Būl bız üşın, maqsatqa jetu jolynda, bılıktı maman bolyp qalyptasuda ülken mümkındıkterge jol aşady.Dias TILEUBAI,
Taldyqorǧan joǧary politehnikalyq
kolledjı «aqparattyq jüieler»
mamandyǧynyŋ 4-şı kurs studentı
Ūqsas jaŋalyqtar
