Prezident Qasym-Jomart Toqaev "Taliban" qozǧalysyn terroristık ūiymdar tızımınen şyǧaru turaly aitty. Būl turaly Aqorda mälımdedı, dep habarlaidy “Adyrna” ūlttyq portaly.
Prezident Katarmen köpqyrly ärıptestıktıŋ tūraqty damuy aimaqtaǧy, sonyŋ ışınde Auǧanstandaǧy qauıpsızdık pen tūraqtylyqqa tıkelei bailanysty dep sanaidy.
«Qazaqstan Auǧanstanǧa, sonyŋ ışınde BŪŪ jäne basqa da halyqaralyq ūiymdar arqyly kömek körsetude. Osy elmen ekonomikalyq yntymaqtastyqty damytu jönındegı küş-jıgerı aiasynda Qazaqstan «Taliban» qozǧalysyn terroristık ūiymdar tızımınen şyǧardy. Bız būl qadam bızdıŋ küş-jıgerımızben bırge dep esepteimız. Almatyda BŪŪ-nyŋ Ortalyq Aziia men Auǧanstanǧa arnalǧan SDG Aimaqtyq ortalyǧyn qūru osy eldıŋ älemdık qoǧamdastyqqa odan ärı integrasiialanuyna yqpal etedı. Ol sonymen qatar auǧan halqyna gumanitarlyq qoldau körsetu üşın jaŋa mümkındıkter aşady dep ümıttenemız», - dedı. Memleket basşysy Katar Konsultativtık keŋesınıŋ müşelerı aldynda söilegen sözınde atap öttı.
Būǧan deiın Qazaqstan Prezidentı Qasym-Jomart Toqaev Ortalyq Aziia öz tarihynda betbūrysty kezeŋdı bastan ötkerıp jatqanyn, saiasi jäne ekonomikalyq bailanystar aitarlyqtai jandanǧanyn atap ötken.
Sondai-aq, Syrty ıster ministrlıgınıŋ resmi ökılı Aibek Smadiiarov Astanadaǧy Auǧanstannyŋ Qazaqstan elşılıgınde tälıpter jūmys ısteitın aitqan edı.
Esterıŋızge sala keteiık, Qazaqstan Prezidentı Katarda memlekettık saparmen jür. 14 aqpanda Qasym-Jomart Toqaev Katar Ämırı şeih Tamim ben Hamad Äl Tanimen kelıssöz jürgızdı. Memleket basşysy özınıŋ osy elge jasaǧan alǧaşqy memlekettık saparynyŋ erekşe maŋyzdylyǧyn atap öttı.