Aqmola oblysynda mas kúıinde kólik júrgizgeni úshin qamaýǵa alynǵan ákim, júrgizýshi kýáliginen aıyryldy, dep habarlaıdy "Adyrna" ulttyq portaly.
«Vıktor Aleksandrovıch Rýkavıshnıkov 608-baptyń 1-bóliginde (júrgizýshiniń kólik quralyn alkogoldik, esirtkilik jáne (nemese) ýytqumarlyq masań kúıde basqarýy, sol sııaqty kólik quralyn alkogoldik, esirtkilik jáne (nemese) ýytqumarlyq masań kúıdegi adamnyń basqarýyna berý) kózdelgen ákimshilik quqyq buzýshylyqty jasaǵany úshin kináli dep tanylsyn. Qazaqstan Respýblıkasynyń Ákimshilik quqyq buzýshylyq týraly kodeksiniń 15 táýlikke ákimshilik qamaqqa alý jáne kólik quralyn basqarý quqyǵynan jeti jyl merzimge aıyrý túrindegi ákimshilik jazaǵa tartylsyn», - delingen Zerendi aýdandyq sotynyń qaýlysynda.
Belgili bolǵandaı, Vıktorovskıı aýyldyq okrýginiń ákimi Vıktor Rýkavıshnıkov 17 aqpanda mas kúıinde Nissan Almera kóliginiń tizginine otyrǵan. 17 aqpandaǵy medıınalyq saraptamanyń qorytyndysyna sáıkes, Rýkavıshnıkovqa tańǵy saǵat 1.51-de jeńil dárejeli alkogoldik mas kúıde kólik júrgizdi degen quqyq buzýshylyq taǵaıyndalǵan.
Sot otyrysynda Rýkavıshnıkov V.A ákimshilik quqyq buzýshylyq jasaǵan kinásin tolyq moıyndap, jasaǵan áreketine ókinetinin aıtty.
