Tanymal otandyq käsıpker, BI Group qūrylys kompaniiasynyŋ basşysy Aidyn Rahymbaev Arystaǧy jarylystan zardap şekken tūrǧyndardyŋ üilerın jöndep beruge daiyn ekenın habarlady.
«Bızdıŋ kompaniianyŋ qyzmetkerlerı de sol jerde, Arys tūrǧyndaryna kömektesıp jatyr. Äskerilerdıŋ qalaǧa kıruge rūqsat bergenın kütıp otyrmyz. Sol kezde üilerdı jöndeuge kırısemız. Bızdıŋ komanda Türkıstan jäne Şymkentten qūrlysqa qajettı materialdarmen şyǧuǧa daiyn. 100 mln teŋge böldık. Būl qarjy kemı 100 üidı jöndeuge jetıp qalar dep oilaimyn. Eger qajet bolyp jatsa, üstınen taǧy qosamyz. Jerlester özderıŋızge bekem bolyŋyzdar, bärı jaqsy bolady. Bız sızdermen bırgemız», - dep jazdy käsıpker äleumettık jelıdegı paraqşasynda. Aita keteiık, 24 mausym künı taŋerteŋ Şymkent qalasynan 97 km jerdegı Arys qalasyndaǧy äskeri bölımnıŋ qoimasynda ört şyqty. Örttıŋ soŋy jarylysqa ūlasty. Türkıstan oblysynyŋ äkımı tötenşe jaǧdai jariialap, qaladan 45 myŋ adam evakuasiialandy.Derekköz: https://baq.kz/news
"Adyrna" ūlttyq portaly
