Arys qalasynda 779 tülek ŪBT tapsyruǧa ötınış bergen. 30 mausymǧa deiın jalǧasatyn baiqau synaǧyna Arys qalasynyŋ tülekterı tolyqtai qatysyp ülgere aldy ma? Būl sūraqqa QR Bılım jäne ǧylym ministrlıgı joǧary jäne joǧary oqu orynan keiıngı bılım departamentınıŋ direktory Ädılet Toibaev jauap berdı.
«Arysta Ūlttyq bıryŋǧai test tapsyratyn bır punkt bolatyn. Ol qaladaǧy №1 mektepte ornalasqan. Jalpy, būl öŋırde 779 tülek test tapsyruǧa ötınış qaldyǧan edı. Sonyŋ ışınde 772-sı testıleuden öttı. Iаǧni 98 % tapsyrdy. Olar 21 jäne 23 mausym künderı ekı lekpen tapsyrdy. Keşe 24 mausymda saǧat 09:00-de apelliiasiialyq №1 mektebınde apelliasiialyq komissiia öz jūmysyn bastaǧan bolatyn. Ökınışke qarai, sol uaqytta äskeri bölımşedegı jarylystan keiın komissiia jūmysy toqtap qaldy», - deidı Ädılet Toibaev. Onyŋ aituynşa, zardap şekken eşkım joq. Arys qalasynda bılım jäne ǧylym ministrlıgınıŋ 12 ökılı jūmys ıstegen. «Qazırgı uaqytta ministrlıktıŋ 12 müşesı Şymkent qalasynda. Endı, 10-y elordaǧa qaitady. Tek komissiia töraǧasy sonda qalady. Jaǧdai tūraqtalǧan soŋ būl apelliasiiany ötkızetın bolamyz. Öitkenı, apelliasiiany ötkızıp ülgermedık. Älı 30 mausymǧa deiın uaqytymyz bar. Eger ülgermei jatsaq, onyŋ uaqytyn sozamyz», - dedı ministrlık ökılı.Bek TÖLEUOV
"Adyrna" ūlttyq portaly
