25 aqpan kúni saǵat 02:49-da Almaty oblysynyń Tótenshe jaǵdaılar departamentine Qarasaı aýdanynyń Raıymbek aýyldyq okrýgindegi turǵyn úıde órt shyqqany týraly habarlama kelip tústi. Qutqarýshylar oqıǵa ornynan úı ıesiniń denesin tapty, dep habarlaıdy "Adyrna" ulttyq portaly Tótenshe jaǵdaılar mınıstrligi baspasóz qyzmetine silteme jasap.
Anyqtalǵandaı, órt saldarynan aýmaǵy 68 sharshy metrli turǵyn úıdiń tóbe jabyny qulaǵan.
"Saǵat 04:00-de órt oqshaýlanyp, 05:03-te sóndirildi. Órt ornynan 1960 jylǵy úı ıesiniń máıiti tabyldy", - delingen habarlamada.
Mamandardyń aldyn ala boljamy boıynsha, er adamnyń ólimine elektr symdarynyń qysqa tuıyqtalýy sebep bolǵan.
Órtti sóndirýge 20 qyzmetker men tótenshe jaǵdaılar qyzmetiniń 6 birligi, polıııa, jedel járdem tehnıkasy jumyldyryldy.
"Adyrna" ulttyq portaly
