Maŋǧystau oblysynda tamaqtan ulanǧandardyŋ sany artty

Maŋǧystau oblysynda fastfudtan ulanǧandardyŋ sany 36 adamǧa jetıp, olardyŋ 28-ı auruhanaǧa jatqyzyldy, dep habarlaidy “Adyrna” ūlttyq portaly. 

Maŋǧystau oblystyq Densaulyq saqtau basqarmasynyŋ mälımetınşe, 8 adamǧa medisinalyq kömek körsetılgennen keiın ambulatoriialyq em taǧaiyndalǧan. Därıgerlerdıŋ aituynşa, auruhanaǧa jatqyzylǧan nauqastardyŋ jaǧdaiy ortaşa auyr dep baǧalanyp otyr. Ulanǧandar audan ortalyǧyndaǧy «Ali-Man» atty dämhanada tamaqtanǧan. 22 aqpannan bastap atalǧan qoǧamdyq tamaqtanu ornynyŋ qyzmetı uaqytşa toqtatyldy. «Nauqastarǧa oblystyŋ bas infeksionist-därıgerımen telemedisina arqyly konsilium ūiymdastyrylyp, tiıstı em-dom taǧaiyndaldy. Beineu audandyq köpsalaly auruhanasy därı-därmekterdıŋ jetkılıktı qorymen qamtamasyz etılıp, qosymşa 20 adamǧa oryn daiyndalady. Ambulatoriialyq em alatyn nauqastarǧa qajettı bakteriiaǧa qarsy jäne simptomatikalyq em taǧaiyndaldy. Qazır osyǧan bailanysty epidemiialyq şaralar jalǧasyp jatyr», - dep jazylǧan Maŋǧystau oblystyq Densaulyq saqtau basqarmasyny baspasöz qyzmetı taratqan aqparatta. Sonymen bırge, jappai tamaqtan ulanu deregı boiynşa Maŋǧystau oblysynyŋ Sanitariialyq-epidemiologiialyq baqylau departamentı tergeu jürgızıp jatqanyn mälımdedı.