Qazaqstanda kóktemniń basty merekesi – Naýryz meıramyn basqasha tlılamaq. Mádenıet jáne aqparat mınıstrligi qazirgi ýaqytta barlyq múddeli memlekettik organdarmen birlesip Naýryz meıramyn toılaýdyń jańa tásilderi ázirlenip jatqanyn aıtty, dep habarlaıdy “Adyrna” ulttyq portaly Tengri Life-qa siltep.
Mınıstrlik atap ótkendeı, qujat talqylaý satysynda jáne aǵymdaǵy jyldyń naýryz aıynyń basynda kópshilikke jarııalanady.
Qosymsha túsinikteme alý úshin Astana jáne Almaty qalalary ákimdikteriniń baspasóz qyzmetine júginilgen.
Naýryz túrki halyqtary úshin dinı ádet-ǵurypqa tikeleı qatysy joq dástúrli kóktem merekesi. Naýryz kóktemgi kún men túnniń teńeletin kúnderi toılanady. Ejelgi ádet-ǵuryp boıynsha, mereke aldynda adamdar óz úılerin, aınalasyn tazartyp, qaryzdaryn óteýi kerek.
Al Naýryz qazirgi qazaqstandyqtar úshin túrki kóshpeli mádenıetin ulyqtaý kúni. Bul kúnderi elimizdiń túkpir-túkpirinde kıiz úıler tigilip, qazaqtyń ulttyq taǵamdary – naýryz-kóje, baýyrsaq, shelpek, jent, qymyz jáne basqa da taǵamdar taratyldy.
Qazir Qazaqstanda Naýryzdyń qalaı toılanatyny ázirge belgisiz.
Eske salaıyq, buǵan deıin «Egemen Qazaqstan» gazetine bergen suhbatynda Qazaqstan Prezıdenti Qasym-Jomart Toqaev ol úshin Jańa jyldyń qasıetti máni joq ekenin aıtqan bolatyn. Elbasy bizdiń de tól Jańa jylymyz – Naýryz meıramy bar ekenin, ol tabıǵattyń jańa tirshilik ıkliniń bastaýyn bildiretinin atap ótti.
«Naýryz meıramy jańarýdy bildiredi, sonymen qatar ony jańasha: mazmundy, jasampaz, jańa erekshelikterdi engizý arqyly toılaý qajet. Bul qoǵamdy biriktirýge jáne ulttyq biregeıligimizdi nyǵaıtýǵa septigin tıgizetinine senimdimin», - dedi Memleket basshysy.
