Prezident Qasym-Jomart Toqaev qazaqstandyqtardy Jaŋa 2026 jylmen qūttyqtady, dep habarlaidy "Adyrna" ūlttyq portaly.
Memleket basşysynyŋ jaŋajyldyq qūttyqtauy otandyq telearnalar arqyly tıkelei efirde körsetıldı.
Qūttyqtau sözınde prezident 2025 jyldyŋ el üşın tabysty bolǧanyn atap öttı. Onyŋ aituynşa, kürdelı jahandyq jaǧdaiǧa qaramastan, Qazaqstannyŋ ekonomikasy ösıp, ışkı jalpy önım 6 paiyzdan asty. Altyn-valiuta qory 62 milliard dollardan asyp, elge ırı investisiialar tartyldy.
Memleket basşysy infraqūrylymdyq jobalarǧa da toqtaldy. Atap aitqanda, «Dostyq – Moiynty» temırjolynyŋ ekınşı jelısı ıske qosylyp, būl Täuelsızdık jyldaryndaǧy eŋ ırı temırjol qūrylysy retınde baǧalandy. Sonymen qatar, 13 myŋ şaqyrym avtokölık joly salyndy jäne jöndelıp jatyr.
Prezident auyl şaruaşylyǧyn damytuǧa erekşe män berılgenın aitty. Soŋǧy ekı jyl qatarynan diqandar mol önım alyp, būl salaǧa būryn-soŋdy bolmaǧan kölemde — 1 trillion teŋge qarjy bölındı. Biyl el boiynşa 19 million şarşy metrden astam tūrǧyn üi paidalanuǧa berılıp, myŋdaǧan otbasy baspanaly boldy.
Äleumettık salada da bırqatar maŋyzdy jobalar jüzege asqan. Jüzden astam mektep pen ekı jüzge juyq densaulyq saqtau nysany salyndy. Şeteldık jetekşı universitetterdıŋ filialdary aşylyp, adam qūqyqtaryn qorǧau baǧytyndaǧy jūmystar küşeitıldı. Qoǧamda «Zaŋ men tärtıp» qaǧidaty nyǧaia tüstı.
Qasym-Jomart Toqaev 2026 jyldy Sifrlandyru jäne jasandy intellekt jyly dep jariialady. Onyŋ aituynşa, ozyq tehnologiialar elımızdıŋ barlyq salasyndaǧy äleuetın arttyruǧa mümkındık beredı. Memleket sifrlyq memleket qūru, şaǧyn jäne orta biznestı qoldau, infraqūrylymdy damytu jūmystaryn jalǧastyrady.
Sondai-aq prezident öskeleŋ ūrpaqqa qamqorlyq körsetu basty mındet ekenın atap öttı. «Ūlttyq qor – balalarǧa» jobasy aiasynda üşınşı jyl qatarynan är balanyŋ esepşotyna qarajat audarylady.
Qūttyqtau soŋynda memleket basşysy qazaqstandyqtarǧa amandyq, bırlık jäne tabys tılep, aldaǧy jyldan mol jaqsylyq kütetının jetkızdı.
