Qasym-Jomart Toqaev şeteldık diplomatiialyq missiialardyŋ basşylarymen kezdestı, dep habarlaidy «Adyrna» tılşısı Aqordaǧa sılteme jasap.
Memleket basşysy jiyn qatysuşylaryna ıltipat bıldıre otyryp, diplomatiialyq korpuspen kezdesu ekıjaqty jäne köpjaqty yntymaqtastyqty nyǧaituǧa baǧyttalǧan igı dästür ekenın atap öttı.
Prezident Qazaqstanda tırkelgen diplomatiialyq missiialar jäne halyqaralyq ūiymdardyŋ basşylaryna elımızde türlı salada auqymdy reformalar jürgızılıp jatqanyn aitty. Sondai-aq adam qūqyqtaryn qorǧau mäselelerıne, sonyŋ ışınde ölım jazasyn joiuǧa, konstitusiialyq tüzetulerdı qabyldauǧa, Adam qūqyqtary jönındegı uäkıldıŋ rölı men märtebesın arttyruǧa erekşe nazar audardy.– Öz saiasatymyzda «bız ärtürlımız, bıraq teŋbız» degen postulatty berık ūstanamyz. Sondyqtan azamattyq qoǧamnyŋ rölın arttyruǧa, türlı qoǧamdyq küşterdı bırıktıruge, «halyq ünıne qūlaq asatyn memleket» qaǧidatyn ıske asyruǧa maŋyzdy ıs-şaralar qabyldanyp jatyr, – dedı Memleket basşysy.
Sonymen qatar Qasym-Jomart Toqaev Qazaqstannyŋ demokratiialandyru jäne keşendı qoǧamdyq-saiasi özgerıster baǧyty özgermeitının atap öttı.
– Jaŋa model bilıktıŋ tūraqty rotasiiasyn jäne Qazaqstannyŋ qazırgı memlekettılıgın odan ärı demokratiialyq tūrǧyda damuyn qamtamasyz etedı. Bırneşe aptadan keiın ötetın kezekten tys Prezident sailauynda osy özgerıster eskerıledı. Būl sailau Qazaqstanda jaŋa saiasi dästürdı qalyptastyrady, jaŋa saiasi däuırge jol aşady. Bızdıŋ basty maqsatymyz – ärbır azamat öz äleuetın ıske asyruy üşın teŋ jaǧdai men mümkındık jasalatyn Ädılettı Qazaqstandy qūru. Ädılettılık ideiasy būdan bylai halyqtyŋ äl-auqatyn arttyruǧa, azamattardyŋ qajettılıkterı men sūranystaryna jedel nazar audaruǧa baǧyttalǧan Qazaqstannyŋ barlyq memlekettık saiasatynyŋ özegı bolady. Men jäne menıŋ Äkımşılıgım Prezident sailauyn aşyq jäne ädıl ötkızu üşın barlyq jaǧdaidy jasaimyz.Memleket basşysy Qazaqstannyŋ qabyldaǧan jaŋa ekonomikalyq baǧyty şynaiy erkın naryqtyq ekonomika qūruǧa baǧyttalǧanyn erekşe atap öttı.
– Ekonomikany monopoliiadan aryltu – bızdıŋ ūlttyq basymdyǧymyz. Bız dūrys joldamyz. Jetekşı halyqaralyq qarjy agenttıkterı Qazaqstannyŋ ekonomikalyq ösımdı yntalandyru jönındegı küş-jıgerın oŋ baǧalady jäne Qazaqstannyŋ egemen reitingın «tūraqty» boljammen rastady. Bız aşyq ekonomika qaǧidatyn ūstanamyz. Älemnıŋ 180 elımen sauda qatynastaryn jürgızemız. Bükıl älemdegı ekonomikalyq küizelısterge qaramastan, bızdıŋ şikızattyq emes önım eksporty şamamen 40 paiyzǧa östı. Bız investisiia tartu boiynşa Ortalyq Aziiadaǧy köşbasşylyq pozisiiamyzdy odan ärı nyǧaituǧa niettımız, – dedı Prezident.
Ūqsas jaŋalyqtar
